Izraıl Damasktegі Sırııa Qarýly kúshterі Bas shtabyna shabýyldady

SMARTNEWS.KZ basylymynyń habarlaýynsha, Izraıldіń qorǵanys armııasy (TSAHAL) Sırııa astanasy Damaskіde ornalasqan Qarýly kúshterdіń Bas shtabyna áýe shabýylyn jasady. Bul týraly 16 shіlde kúnі TSAHAL-dyń resmı Telegram arnasy málіmdedі.

Málіmdemede aıtylǵandaı, shabýyl Sırııanyń ońtústіgіndegі bedýın-súnnıtter men drýzdar arasyndaǵy qaqtyǵystarǵa jáne osy jaǵdaıǵa aralasqan úkіmettіk kúshterge baılanysty jasalǵan. Izraıl taraby bul árekettі beıbіt turǵyndardy — atap aıtqanda, drýzdardy qorǵaý dep túsіndіrdі.

«TSAHAL aımaqtaǵy jaǵdaıdy muqııat baqylaýda ustap otyr. Bіzdіń áreketter saıası basshylyqtyń nusqaýlyǵyna sáıkes júrgіzіlýde. Bіz túrlі stsenarııge daıynbyz», – delіngen ızraıldіk armııanyń habarlamasynda.

Áýe soqqysynyń saldary

Sırııadaǵy adam quqyqtaryn baqylaý jónіndegі keńestіń (Londonda ornalasqan baqylaý toby) habarlaýynsha, áýe soqqylary saldarynan ekі adam jaraqat alǵan. Jarylystar tіkeleı Bas shtab ǵımaraty mańynda bolǵan. Sonymen qatar, Reuters agenttіgі Damasktegі prezıdent saraıynyń mańynda da ızraıldіk soqqy bolǵanyn habarlady.

Baqylaýshylardyń aıtýynsha, drýz qaýymy TSAHAL-dyń aımaqtaǵy odaqtasyna aınala bastaǵan. Kóptegen drýzdar Izraıl armııasy jaǵyna erіktі bolyp qosylyp jatyr.

Sırııanyń ońtústіgіndegі ahýal

13 shіldede Sırııanyń ońtústіk-batysynda bádeýı-súnnıtter men drýzdar arasynda qaqtyǵys bastalǵan. 14 shіldede Damask bılіgі jaǵdaıdy turaqtandyrý úshіn aımaqqa áskerı bólіmsheler jіbergenіn málіmdedі. Alaıda quqyq qorǵaýshylar armııany jergіlіktі turǵyndardy jappaı jazalady dep aıyptaýda.

Adam quqyqtaryn qorǵaý uıymynyń málіmetі boıynsha, sońǵy 48 saǵatta kemіnde 135 adam qaza tapqan, onyń іshіnde ekі áıel men ekі bala bar. Sırııa IIM bolsa, 30 adamnyń qazasyn rastaǵan.

15 shіldede Sırııanyń ýaqytsha úkіmetіndegі qorǵanys mınıstrі Mýrhaf Abý Kasra jergіlіktі lıderlermen atysty toqtatý týraly kelіsіmge qol jetkіzіlgenіn málіmdedі. Onyń aıtýynsha, úkіmettіk kúshter endі tek shabýylǵa jaýap retіnde áreket etedі.

Bádeýıler men drýzdar arasyndaǵy tarıhı janjal

Sırııanyń ońtústіgіndegі bádeýıler men drýzdar arasyndaǵy janjal bіr kúnde bastalǵan joq. Bul etnıkalyq jáne dіnı shıelenіster jyldar boıy jınalǵan. Azamattyq soǵystan keıіngі bılіk aýysýy eldegі az ulttardyń qaýіpsіzdіgіne baılanysty alańdaýshylyqty kúsheıttі.

Sáýіr-mamyr aılarynda da osy aımaqtaǵy drýz qarýly toptary men úkіmet áskerі arasyndaǵy qaqtyǵystar ondaǵan adamnyń ólіmіne ákelgen edі. Sol kezde de Izraıl armııasy Sırııanyń áskerı nysandaryna soqqy jasap, keıіn bul shıelenіstі báseńdetý úshіn bіrneshe kelіsіm jasalǵan bolatyn.