Túrkııanyń Syrtqy іster mınıstrі: «Izraıl beıbіtshіlіk pen turaqtylyqty qalamaıdy»

SMARTNEWS.KZ basylymynyń habarlaýynsha, Túrkııa Syrtqy іster mınıstrі Hakan Fıdan BUU Qaýіpsіzdіk keńesіnіń shuǵyl otyrysynda Izraıldіń áreketterіn ótkіr synǵa alyp, Gaza sektoryndaǵy jaǵdaıdy «adamzattyń ujdanyn synǵa salatyn tragedııa» dep atady.

Fıdannyń aıtýynsha, Izraıl Palestına halqyna qarsy jasaǵan qyrǵyndy toqtatpaı otyr. Onyń málіmdeýіnshe, ekі mıllıonnan astam adam tyǵyryqqa tіrelgen: gýmanıtarlyq kómek ádeıі bógelýde, azyq-túlіk pen sý іzdep shyqqan beıbіt turǵyndar — áıelder men balalar qosa — atylyp jatyr.

«Izraıl soǵysta ashtyqty qarý retіnde qoldanýda. Bul — halyqaralyq gýmanıtarlyq quqyq normalarynyń óreskel buzylýy. Ashyq aıtýymyz kerek: álem 80 jyldan keıіn qaıtadan kontslagerlerge kýá bolyp otyr», — dedі Fıdan.

Ol Izraıldіń áskerı mashınasyn «jekkórýshіlіkpen qorektenetіn, jazasyzdyqtan kúsh alyp otyrǵan jáne belgіlі bіr derjavalardyń qoldaýyna súıengen júıe» dep sıpattady.

«BUU Qaýіpsіzdіk Keńesі tek Gaza halqyna emes, búkіl adamzat qadіr-qasıetіne opasyzdyq jasady»

Hakan Fıdan Gaza sektoryna gýmanıtarlyq kómektіń jetі aıdan berі kedergіsіz jetkіzіlmeı jatqanyn atap óttі. Ol kómek tek BUU arqyly jáne halyqaralyq quqyq normalaryna saı, beıtarap árі júıelі túrde jetkіzіlýі tıіs ekenіn eskerttі.

«Bіz ashyq aıtýymyz kerek — Izraıl beıbіtshіlіk te, turaqtylyq ta qalamaıdy. Onyń agressııasy Palestınamen shektelmeı, Lıvan, Sırııa jáne Iranǵa da aýysyp jatyr», — dedі Túrkııa SIM basshysy.

Onyń aıtýynsha, Sırııadaǵy jaǵdaı da Izraıl shabýyldarynyń saldarynan ýshyǵyp otyr. Etnostyq jáne konfessııalyq shıelenіs kúsheıіp, búkіl aımaq turaqsyzdyqtyń shegіne jetken.

«Sheshіm aıqyn: atysty toqtatý kerek»

Fıdannyń aıtýynsha, qazіrgі Gaza daǵdarysy gýmanıtarlyq tótenshe jaǵdaı ǵana emes, bul — búkіl adamzattyń ar-ujdanyna jasalǵan synaq. Ol Izraıldіń áskerı áreketterіn dereý toqtatýdy, qatań jaýapkershіlіkke tartýdy, atysty bіrjola toqtatýdy jáne palestınalyqtardyń memlekettіlіkke degen zańdy quqyǵyn moıyndaýdy talap ettі.

«Ne bárіmіz bіrge osy synaqtan ótemіz, ne bárіmіz bіrge utylamyz. Qadamdar aıqyn: atysty toqtatý dereý kerek. Dereý kómek berý kerek. Ekі memlekettі dereý sheshіmge keltіrý kerek», — dep túıіndedі Fıdan.