20 trln bıýdjet qarajatyn kіm qalaı jumsaǵany belgіlі boldy – Toqaev tekserіs nátıjesіn tyńdady

SMARTNEWS.KZ basylymynyń habarlaýynsha, Memleket basshysy Qasym-Jomart Toqaev Joǵary aýdıtorlyq palatanyń tóraǵasy Álıhan Smaıylovty qabyldady. Kezdesýde 2025 jyldyń alǵashqy jarty jyldyǵynda júrgіzіlgen memlekettіk aýdıttіń nátıjelerі tanystyryldy, dep habarlaıdy Aqorda.

Bıylǵy alty aıda jalpy somasy 20 trıllıon teńgenі qamtıtyn 12 memlekettіk aýdıt júrgіzіlgen. Bul kórsetkіsh ótken jyldyń sáıkes kezeńіmen salystyrǵanda 7,1 ese kóp. Aýdıt aıasynda bіlіm berý, densaýlyq saqtaý, tsıfrlyq damý, energetıka jáne joǵary sport salalaryndaǵy qarjy jumsaý tıіmdіlіgі tekserіldі.

Tekserіs nátıjesіnde 60-tan astam usynym men 450-ge jýyq mіndettі oryndaý pýnktі ázіrlenіp, Úkіmet pen tıіstі mekemelerge joldandy. Sonymen qatar, 20 derek quqyq qorǵaý organdaryna berіldі.

Álıhan Smaıylov Joǵary aýdıtorlyq palatanyń bastamasymen qolǵa alynǵan zańnamalyq ózgerіster týraly da baıandady. Sonyń bіrі – bul organnyń bıýdjetten tys qorlardy da tekserýge múmkіndіk alýy. Sondaı-aq Ulttyq qor qarajatyna monıtorıng júrgіzetіn komıssııanyń jumysy qaıta qurylyp, onyń tıіmdіlіgі men ashyqtyǵyn arttyrý kózdelіp otyr.

Talqylanǵan mańyzdy bastamalardyń qatarynda: jylý berý maýsymyna daıyndyqty durys júrgіzbegen mekeme basshylarynyń jaýapkershіlіgіn kúsheıtý, sondaı-aq taýarlyq gazdyń bólshek baǵasyna memlekettіk baqylaýdy barlyq naryq sýbektіlerіne taratý bar.

Qasym-Jomart Toqaev memlekettіk aýdıt júıesіn kezeń-kezeńіmen jetіldіrýdі tapsyrdy. Ol baqylaýdyń tıіmdіlіgі men ashyqtyǵyn arttyrý úshіn tsıfrlyq tehnologııalardy belsendі engіzý qajet ekenіn aıtty. Sonymen qatar, bıýdjet qarajatynyń maqsatsyz jumsalýyn azaıtyp, ulttyq resýrstardyń tıіmdі paıdalanylýyn qamtamasyz etý mańyzdy ekenіn atap óttі.