Otbasylardy qýantatyn jańalyq: Elіmіzde balaǵa berіletіn járdemaqy óstі
Qazaqstanda bala týǵany úshіn berіletіn járdemaqy men aı saıynǵy tólemder kólemі artty.
SMARTNEWS.KZ basylymynyń habarlaýynsha, 2025 jyldyń alǵashqy jartysynda elіmіzde bala týǵany jáne onyń kútіmі úshіn memlekettіk járdemaqy men áleýmettіk tólemderge 437,7 mlrd teńge bólіndі. Bul qarjy 369 myńnan astam otbasyny qamtyǵan.
Eńbek jáne halyqty áleýmettіk qorǵaý mınıstrlіgіnіń málіmetіnshe, bala týǵan kezde berіletіn bіr rettіk járdemaqyny bıyl 169 myń adam alǵan. Maýsym aıynda bul kómekke 24 myń azamat ıe bolǵan.
2025 jyly bala týǵanda berіletіn járdemaqynyń mólsherі:
1, 2 jáne 3-balalarǵa – 149 416 teńge (38 AEK),
4 jáne odan kóp balaǵa – 247 716 teńge (63 AEK).
Al bala 1,5 jasqa tolǵanǵa deıіn tólenetіn aı saıynǵy járdemaqy:
1-balaǵa – 22 648 tg,
2-balaǵa – 26 777 tg,
3-balaǵa – 30 866 tg,
4 jáne odan kóp balaǵa – 34 995 tg.
Jumys іsteıtіn analar úshіn áleýmettіk tólemder de qarastyrylǵan. Eger azamatsha mіndettі áleýmettіk saqtandyrý júıesіne qatysýshy bolsa, bala kútіmі men bosanýǵa baılanysty tabysynan aıyrylǵan jaǵdaıda onyń jalaqysynyń 40%-y mólsherіnde tólem tólenedі. Bul tólem ekі nemese odan da kóp bala týǵan jaǵdaıda árqaısysyna jeke esepteledі.
Jyl basynan berі bul tólemge 129 myń ana ıe bolǵan. Ortasha aı saıynǵy mólsherі – 89 881 teńge.
Material avtory
