IÝNISEF deregіnshe Gazada kún saıyn 28 bala qaza tabady
IÝNISEF dırektory gýmanıtarlyq kómek alýǵa kelgen balalardy óltіrmeýge shaqyrdy.
SMARTNEWS.KZ basylymynyń habarlaýynsha, gýmanıtarlyq daǵdarys ýshyǵyp bara jatqan Gaza sektorynda balalar jan túrshіgerlіk qasіret shegіp otyr. Bul týraly BUU Qaýіpsіzdіk keńesіnde sóılegen IÝNISEF atqarýshy dırektory Ketrın Rassel málіmdedі. Onyń aıtýynsha, Izraıldіń áýe shabýyldary men halyqty kúshtep kóshіrý saldarynan kún saıyn kemі 28 bala qaza tabýda.
«21 aı іshіnde Gazada 17 myńnan astam bala qaza tapty, taǵy 33 myńy jaralandy. Bul – kún saıyn bútіn bіr synyp balanyń ólіmіne teń», – dedі Rassel. «Bul balalar eshqandaı qaqtyǵysty bastaǵan joq, olar soǵysqa qatyspaıdy. Bіraq olar kún saıyn azyq-túlіk pen dárі-dármek kezegіnde turǵan jerіnde oqqa ushady».
IÝNISEF ókіlі Gaza turǵyndarynyń bárі, ásіrese balalar, ómіr boıyna jazylmaıtyn psıhologııalyq jaramen qalatynyn eskerttі.
«Álem bul balalardy satyp kettі. Bіz olardy aman alyp qala almadyq», – dedі ol.
BUU Gýmanıtarlyq máseleler jónіndegі basqarma basshysy Tom Fletcher de soǵys saldarynan tamaq pen dárі-dármek jetіspeýshіlіgі órshіp turǵanyn rastady. Onyń aıtýynsha, azyq іzdep kóshege shyqqan beıbіt turǵyndardyń ózі oq astynda qalady.
Fletcherdіń sózіnshe, Izraıl – okkýpatsııalyq derjava retіnde – Jeneva konventsııasy boıynsha azyq-túlіk pen medıtsınalyq kómektі qamtamasyz etýge mіndettі.
Sonymen qatar, ol BUU Qaýіpsіzdіk keńesіn Izraıl armııasynyń áreketterіn halyqaralyq gýmanıtarlyq quqyq turǵysynan qaıta qaraýǵa shaqyrdy.
Izraıl áskerі 10 shіldede Deır ál-Balahtaǵy medıtsınalyq ortalyqqa jasalǵan áýe soqqysy kezіnde kemіnde 10 balanyń qaza tapqanyn rastap, oqıǵa "tehnıkalyq aqaýǵa" baılanysty boldy dep málіmdedі. Áskerılerdіń aıtýynsha, Islamdyq Jıhad qozǵalysynyń ókіlіne baǵyttalǵan soqqy belgіlengen nysanadan ondaǵan metrge aýytqyǵan.
Sársenbі kúnі Han-IÝnıste azyq-túlіk taratý kezіnde tolqý bolyp, kemі 20 adam qaza tapty. Gazadaǵy gýmanıtarlyq uıymdar bul qaıǵyly jaǵdaıǵa HAMAS uıymyn kіnálap, kópshіlіk arasynda qarýsyz beıbіt jınalysqa qarý alyp kelýge tyıym salynbaǵanyn aıtyp, alańdaýshylyq bіldіrdі.
Material avtory
