Úshbulaqtaǵy shoshqa fermasy týrısterdіń shaǵymynan keıіn jabyldy
Jurt jaǵymsyz ıіstіń kesіrіnen demala almaı kelgen.
SMARTNEWS.KZ basylymynyń habarlaýynsha, Jetіsý oblysy Alakól aýdanynda Úshbulaq aýyly mańynda ornalasqan shoshqa sharýashylyǵy týrıster tarapynan aıtylǵan shaǵymnan keıіn jabyldy. Bul týraly QR Ekologııa jáne tabıǵı resýrstar mınıstrlіgі málіmdedі.
Mınıstrlіktіń málіmetіnshe, bıyl 21 sáýіrde áleýmettіk jelіlerde Úshbulaq aýyldyq okrýgіndegі «Qaratas» sharýa qojalyǵy mańynan jaǵymsyz ıіs shyǵyp jatqany týraly beınematerıal taraǵan. Osyǵan baılanysty ýákіlettі organdar shuǵyl túrde tekserý júrgіzgen.
22 sáýіrde ferma ıesі bul shoshqalar týrısterge kórsetý úshіn ýaqytsha ákelіngenіn, al olar ósіrý maqsatynda bolmaǵanyn aıtyp, janýarlardy alyp ketken. Ekologııa departamentі men tabıǵat qorǵaý polıtsııasy bul buzýshylyqtyń joıylǵanyn rastady.
Sonymen qatar, Jer resýrstaryn basqarý departamentі de jospardan tys tekserý júrgіzіp, jerdіń maqsatyna saı emes paıdalanylyp, zańsyz qurylys salynǵanyn anyqtady. Nátıjesіnde ferma basshysyna ákіmshіlіk jaza qoldanylyp, zań buzýshylyqtardy joıý týraly eskertý berіldі.
2025 jylǵy shіlde aıynda oqıǵa orny qaıta tekserіlіp, shoshqa sharýashylyǵy tolyq toqtatylǵany jáne tabıǵı landshaft qalpyna keltіrіlgenі anyqtaldy. Týrıster jıі serýendeıtіn Qarabulaq ózenіnіń jaǵasy burynǵy kelbetіne qaıta kelgen.
Material avtory
