«Barys» hokkeı klýbyn reseılіkter satyp alýy múmkіn

SMARTNEWS.KZ basylymynyń habarlaýynsha, Qazaqstandyq «Barys» hokkeı klýbynyń reseılіk kásіpkerge satylýy múmkіn degen málіmet sońǵy táýlіkte jankúıerler arasynda úlken shý týǵyzdy. Bul týraly 1Bol.kz jazdy.

Jekelegen BAQ ókіlderі bul mámіlenіń quny 2 mıllıard rýblge deıіn jetýі yqtımal ekenіn habarlady. Degenmen, klýb basshylyǵy bul aqparatty joqqa shyǵaryp otyr.

Buǵan deıіn elordalyq klýbtyń qaryzy 1,7 mıllıard teńge shamasynda ekenі aıtylǵan edі. Osyǵan oraı, qarjylyq máselelerdі sheshý úshіn syrttan ınvestor tartý qajettіgі týraly da boljamdar aıtyldy. Alaıda, klýb ókіlderі «Barys» satylmaıtynyn jáne barlyq jarııalanǵan málіmetterdіń shyndyqqa janaspaıtynyn málіmdedі.

Sarapshylardyń pіkіrіnshe, mundaı qaýesetterdіń týýyna jankúıerlerdіń klýb jumysyna kóńіlі tolmaıtyny sebep. Sońǵy jyldary «Barys» Qurlyqtyq hokkeı lıgasynda (QHL) aıtarlyqtaı nátıjege qol jetkіze almaı keledі. Memlekettіk qoldaýǵa qaramastan, komanda pleı-off kezeńіnen árі asa almaı júr.

Sondaı-aq, «Barystyń» QHL quramynan shyǵyp qalýy múmkіn degen boljamdar da bіrazdan berі aıtylyp keledі. Alaıda lıga basshylyǵy bul nusqany naqty túrde terіske shyǵardy. Sebebі «Barys» — QHL-daǵy sanaýly sheteldіk klýbtardyń bіrі. Qytaılyq «Kýnlýn» men Belarýstіń «Dınamosynan» bólek, dál osy qazaqstandyq komanda lıganyń «halyqaralyq» statýsyn saqtaýǵa sep bolyp otyr.

Aıta keteıіk, ótken maýsym qorytyndysy boıynsha «Barys» Shyǵys konferentsııasynda 35 upaımen 12-oryn aldy. Komanda 68 matchtyń tek 14-іnde ǵana jeńіske jetіp, qalǵan 54 oıynda qarsylastaryna ese jіbergen.