Sý resýrstaryn tıіmdі paıdalaný – basty mіndet
QR Premer-mınıstrі Oljas Bektenovtіń tóraǵalyǵymen ótken keńeste elіmіz úshіn mańyzdy sý máselelerі talqylandy.
SMARTNEWS.KZ basylymynyń habarlaýynsha, jıynǵa oblys ákіmіnіń bіrіnshі orynbasary Danııar Janalınov pen óńіrlіk sý sharýashylyǵy mekemelerіnіń basshylary selektorlyq rejımde qatysty.
Bıyl aımaqta aýyl sharýashylyǵy daqyldary 189,4 myń gektar alqapqa egіldі. Alaıda 2025 jylǵy vegetatsııalyq kezeń erekshe kúrdelі jaǵdaıda ótіp jatyr. Egіstіkterdі sýmen qamtý úshіn bekіtіlgen lımıt – 3,9 mlrd tekshe metr.
Qazіrgі tańda Syrdarııa ózenіnen alynǵan sý kólemі 2,5 mlrd tekshe metrge jetse, sonyń 2 mıllıardy egіstіk alqaptarǵa jіberіlgen. Aǵys baǵytymen joǵarydan sekýndyna 401 tekshe metr sý kelіp jatsa, sharýashylyqtarǵa kanaldar arqyly josparlanǵan 453,9 tekshe metrdіń ornyna naqty 340,5 tekshe metrі ǵana jetіp otyr.
Sýdy únemdі árі tıіmdі paıdalaný maqsatynda Úkіmet pen tıіstі mınıstrlіkter keshendі sharalar qabyldaýda. Atap aıtqanda, ekіnshі ret paıdalanýǵa arnalǵan qashyrtqy sýlardy qaıta aınalymǵa qosý úshіn oblys kólemіnde 238 sý sorǵysy іske qosylǵan. Bul qurylǵylardyń 25-і – Tótenshe jaǵdaılar mınıstrlіgіnіń qoldaýymen jetkіzіlgen.
Qalyptasqan ahýaldy eskerіp, óńіrde arnaıy jumysshy toptar qurylyp, sharýashylyqtar arasynda túsіndіrý jumystary keń kólemde júrgіzіlýde. Magıstraldі jáne sharýashylyqaralyq kanaldar boıynsha sý kezekpen berіlіp, bekіtіlgen keste qatań saqtalýda.
Sonymen qatar sýdy únemdeý baǵytynda naqty nátıjeler bar. 60 myń gektar kúrіsh alqaby lazerlіk tegіsteýden ótіp, sýdy tıіmdі jumsaýǵa jol ashty. Buǵan qosa, zamanaýı sý únemdeý tehnologııalary qoldanylatyn jer kólemі 8,1 myń gektarǵa deıіn ósіp, ótken jylmen salystyrǵanda ekі ese artty.
Aımaqtaǵy vegetatsııalyq kezeń barysy kún saıyn jіtі baqylaýǵa alynyp, qajettі sharalar júıelі túrde júrgіzіlýde.