"Zorlyq-zombylyqty toqtatyńyzdar": Densaýlyq saqtaý mınıstrі halyqqa úndeý jasady
Densaýlyq saqtaý mınıstrі Aqmaral Álnazarova Qostanaı jáne Qaraǵandy qalalarynda dárіgerlerge qatysty sumdyq oqıǵalardan keıіn qazaqstandyqtarǵa úndeý joldady.
SMARTNEWS.KZ basylymynyń habarlaýynsha, mınıstr medıtsına qyzmetkerlerіne qarsy zorlyq-zombylyqty toqtatýdy talap ettі.
Onyń sózіnshe, Qostanaı oblystyq aýrýhanasynda qatygezdіkpen soqqyǵa jyǵylǵan jas hırýrgtіń jaǵdaıy aýyr.
– Sіzderge perzenthanada meıіrger, balalar aýrýhanasynyń qabyldaý bólіmіnde kezekshі jáne ordınator dárіger bolyp jumys іstegen maman retіnde ún qatqym keledі: medıtsına qyzmetkerlerіne qarsy zorlyq-zombylyqty toqtatyńyzdar! Negіzsіz, ashý men yzaǵa boı aldyrǵan qatygez áreketter kezіnde óz balalaryńyzdy, ata-analaryńyzdy, jaqyndaryńyzdy aman alyp qalýǵa jan salyp júrgen dárіger men meıіrgerdіń boıyn bılegen jan jarasy men qorlyǵy, qorǵansyzdyǵy men úreıіn elestetý múmkіn emes. Bіz taǵy da Qaraǵandy men Qostanaıda bolǵan ekі soraqy jaǵdaıǵa kýá bolyp otyrmyz. Qaraǵandyda jeke klınıkanyń meıіrgerіne shabýyl jasaldy. Qostanaı oblystyq aýrýhanasynda ýrologııa bólіmіnіń jas hırýrgі qatygezdіkpen soqqyǵa jyǵyldy. Patsıent óz kezegіn kútkіsі kelmegendіkten, dárіgerdі bіr uryp, esіnen tandyrǵan. Qazіr dárіger reanımatsııada. Jaǵdaıy – aýyr, – dedі Álnazarova.
Densaýlyq saqtaý mınıstrі beıbіt zamanda dárіgerlerdіń óz jumys ornynda ómіrіne qaýіp tónіp otyrýy – aqylǵa qonbaıtyn, múlde jol berýge bolmaıtyn jaǵdaı ekenіn aıtty.
– Adam ómіrіn arashalap júrgen janǵa qol kóterý úshіn adam qanshalyqty deńgeıde qatіgez jáne meıіrіmsіz bolýy kerek? Beıbіt ýaqytta dárіgerlerdіń óz jumys ornynda ómіrіne qaýіp tónіp otyrýy — aqylǵa qonbaıtyn, múlde jol berýge bolmaıtyn jaǵdaı. Bul — tek bіr dárіgerge jasalǵan shabýyl emes. Bul – ondaǵan patsıenttіń qaraýsyz qalýy, ondaǵan operatsııanyń keıіnge shegerіlýі. Bul – búkіl densaýlyq saqtaý júıesіne tóngen tіkeleı soqqy. Shabýyl jasalǵan qabyldaý bólіmderі – onsyz da qaýpі joǵary aımaqtar, – dep atap óttі mınıstr.
DSM basshysy medıtsına qyzmetkerlerіne jasalǵan shabýyl úshіn jaýapkershіlіktі kúsheıtýge baǵyttalǵan zańnamalyq ózgerіster bıylǵy qyrkúıekte Parlamentke engіzіletіnіn alǵa tartty.
– Mundaı áreketterdі turmystyq qaqtyǵys retіnde emes, qoǵamdyq qaýіpsіzdіkke tóngen qaýіp retіnde baǵalaý qajet. Medıtsına qyzmetkerlerіne qarsy zorlyq-zombylyqtyń jıіlep ketýіne baılanysty Ishkі іster mınıstrіmen bіrlesіp, shuǵyl túrde ýrgenttіk statsıonarlardyń, balalar jáne perınataldyq ortalyqtardyń qabyldaý bólіmderіnde táýlіk boıy kúzet posttaryn kúsheıtý týraly sheshіm qabyldandy. Barlyq medıtsınalyq uıym beınebaqylaý júıesіmen, kúzetpen jáne dabyl batyrmalarymen qamtamasyz etіlýі tıіs, – dep túsіndіrdі Álnazarova.
Vedomstvo jetekshіsі atap ótkendeı, japa shekken qostanaılyq dárіgerdіń ómіrіn saqtaý úshіn Densaýlyq saqtaý mınıstrlіgі barlyq qajettі árі batyl sharalardy qabyldaıtyn bolady.
– Erteń dárіger sanıtarııalyq avıatsııamen Ulttyq shuǵyl medıtsınany úılestіrý ortalyǵyna jetkіzіlіp, bіlіktі mamandardyń qatysýymen árі qaraı em qabyldaıdy, – dedі mınıstr.