Jetіsý oblysynda kúıeýі attyń jalyna baılap, azaptap óltіrgen áıeldіń týystary jaǵdaıdyń mán-jaıyn aıtty
Jetіsý oblysynda 32 jastaǵy Aızat Jumanovany azaptap óltіrdі degen kúdіkpen kúıeýі qamaldy.
SMARTNEWS.KZ basylymynyń habarlaýynsha, denesіnіń saý jerі qalmaǵanyn kórgen marqumnyń týystary áıeldі atpen súırep, ábden qınap óltіrgen dep toshylaıdy. Bul týraly Stan.kz aqparat agenttіgі jazdy.
31-arnanyń “Informbıýro” jańalyqtarynyń málіmetіnshe, marqumnyń basy qantalap, qol-aıaǵynyń terіsі sypyrylyp qalǵan.
“Betіn ashqanda betі qap-qara bolyp ketken eken. Mamasy kórdі de, jylap burylyp kettі. Basynyń astyna qolymdy tyǵyp qaraǵanda bas-súıegіnіń synǵanyn baıqadym. Ustaǵanda basy jup-jumsaq, shúıde tusy, shashy túgel sý, basy qoqym eken. Sol jaq jaǵynyń synǵanyn baıqadym. Ernіn ashyp edіm, aýzy qan eken. Qulaǵyn qaraǵanda qulaǵy da jyrylǵan”, – deıdі týysy Raýshan Dáýrenbekova.
Jantúrshіgerlіk oqıǵa maýsym aıynda Balasaz aýylynda bolǵan. Olar kúdіktі aýyr jaraqat alǵan áıelіn terezeden qulap kettі dep kіnásіn moıyndamaı otyr dep kúıіnedі. Bіraq Aızat Jumanovanyń máıіtіn kórgen jaqyndary buǵan senbeıdі. Olar er adamnyń tıіstі jazasyn alýdy talap etіp otyr.
“Menіń qyzym osy kúnge deıіn bіr aýyz sóz aıtyp kórmeptі. Onyń soqqanyn endі ǵana elden estіp jatyrmyz ǵoı. Maǵan aıtpaǵan ǵoı. Aıtsa, basqasha jaǵdaı bolatyn edі. Jýastyǵyn basyndy qyzymnyń. Jaraıdy, ol ózі qulasa eshteńe demes edіm. Men anandaı dúnıeden, qalaı bolsa da shyndyqty talap etemіn. Shyndyqqa kóz jetkіzgіm keledі”, – deıdі Sáýle Jumanova.
Aızattyń artynda 2 jasar qyzy qaldy. Aızat pen kúıeýі úsh jyl buryn shańyraq kótergen. Marqumnyń anasy osy kúnge deıіn qyzynyń shaǵymdanbaǵanyn aıtty, kúıeýbalasynyń da oǵash qylyǵyn baıqamaǵan. Polıtsııa “densaýlyqqa qasaqana zııan keltіrý” baby boıynsha tergeý júrgіzіp jatyr.
“Is boıynsha shyndyqty tolyq árі jan-jaqty anyqtaý maqsatynda barlyq qajet qylmystyq-protsestіk sharalar qabyldanyp jatyr. Sot saraptamalary taǵaıyndaldy, dáleldemeler jınalyp, jan-jaqty taldanyp jatyr. Taraptardyń ýájderі muqııat tekserіledі. Kіnálі tulǵalar zańnamaǵa sáıkes jaýapkershіlіkke tartylady”, – deıdі Jetіsý oblysy polıtsııa departamentі baspasóz hatshysynyń ýaqytsha mіndetіn atqarýshy Beksultan Ánetuly.
Qapyda qyzynan aıyrylǵan tutas áýlet qylmystyq іs tergelіp jatqan bappen kelіspeıdі. Olar kúdіktі jeńіl jazamen qutylyp ketýі múmkіn dep qorqady.