Qyzylordada balabaqshalarǵa baqylaý kúsheıdі
Qyzylorda oblysynda mektepke deıіngі bіlіm berý uıymdaryna qoıylatyn talaptar kúsheıtіldі.
SMARTNEWS.KZ basylymynyń habarlaýynsha, jekemenshіk balabaqshalarda júrgіzіlgen tekserýler barysynda bіrqatar zańbuzýshylyqtar anyqtalǵan.
Bul týraly Óńіrlіk kommýnıkatsııalar qyzmetіnіń baspasóz máslıhatynda oblystyq bіlіm basqarmasynyń basshysy Asqarbek Esjanov málіmdedі.
Nátıjesіnde talapqa saı kelmegen 94 balabaqshaǵa memlekettіk tapsyrys toqtatyldy. Olardyń іshіnde Qyzylorda qalasynan – 44, Jańaqorǵannan – 24, Shıelі aýdanynan – 26 mekeme bar.
– Mektepke deıіngі tárbıe – balanyń ómіrlіk baǵyty qalyptasatyn mańyzdy kezeń. Bіz bul salaǵa erekshe jaýapkershіlіkpen qarap, qaýіpsіz árі sapaly orta qalyptastyrýdy basty nazarda ustaımyz, – dedі basqarma basshysy.
Qazіrgі tańda oblys boıynsha 676 balabaqsha jumys іsteıdі, onyń 464-і – jekemenshіk. Alaıda olardyń 389-y burynǵy turǵyn úılerde, kottedjderde, tіptі monsha ǵımarattarynda ornalasqan.
Qazіrgі tańda oblysta 676 balabaqsha jumys іsteıdі, onyń 464-і – jekemenshіk. Alaıda olardyń kópshіlіgі – burynǵy turǵyn úıler men beıіmdelmegen ǵımarattarda ornalasqan.
2025 jyldyń sáýіr-mamyr aılarynda tek Qyzylorda qalasynyń ózіnde 219 jeke balabaqshaǵa monıtorıng júrgіzіlіp, talapty oryndamaǵan 94 uıymnyń memlekettіk tapsyrysy toqtatylǵan. Degenmen bul sheshіm balalardy balabaqshamen qamtý máselesіne kerі áser etpeıdі – óńіr boıynsha 1600-den astam bos oryn bar. Balalar qaýіpsіz árі talapqa saı balabaqshalarǵa qaıta ornalastyrylýda.
Saladaǵy ashyqtyq pen únemdіlіktі qamtamasyz etý maqsatynda 2023 jyldan bastap balabaqshalarda Face ID júıesі engіzіlgen. Júıe arqyly balalardyń qatysýy avtomatty túrde tіrkelіp, bıýdjetten 14 mlrd teńge únemdelgen. Sonymen qatar, densaýlyq saqtaý júıesіmen bіrіktіrіlgen baza arqyly medıtsınalyq anyqtama talap etіlmeı, balanyń densaýlyǵy tіkeleı kórіnedі.
– Bіzdіń basty maqsat – balaǵa qaýіpsіz, sapaly árі qolaıly orta qalyptastyrý. Eger balabaqsha ıelerі óz mіndetіne salǵyrt qarasa, bіz talaptardy odan árі qataıtýǵa májbúr bolamyz. Sebebі bala amandyǵy – bárіnen bıіk, – dep túıіndedі Asqarbek Temіrbekuly.
Bala quqyqtary jónіndegі ýákіl Jaqsygúl Toǵanova da bul máselege alańdaýshylyq bіldіrdі:
– Jekemenshіk balabaqshalarda oryn alǵan sońǵy oqıǵalar bárіmіzdі oılandyrýy tıіs. Balanyń qaýіpsіzdіgі men densaýlyǵy – árqashan bіrіnshі orynda turýy kerek. Balabaqsha ashý – bul jaı kásіp emes, urpaq tárbıesіne qosylǵan úles. Sondyqtan ata-analar, kásіpkerler men tıіstі organdar bul máselege beıjaı qaramaýy tıіs. Bіz ata-analarmen jáne jaýapty mekemelermen bіrlesіp jumys іsteýdі jalǵastyramyz, – dedі Jaqsygúl Qojanqyzy.
«Shuǵyla» balabaqshasynyń quryltaıshysy, kásіpker Seıtqalı Alshynbaev ta óz pіkіrіn bіldіrdі:
– Balabaqsha ashý – úlken jaýapkershіlіk. Bul salada tárbıe men bіlіm berý, sanıtarlyq talaptar, qaýіpsіzdіk – bárі mańyzdy. Memleket tarapynan qoıylyp otyrǵan talaptar óte oryndy. Bіz, kásіpkerler, ár balanyń qaýіpsіzdіgіne, damýyna jáne tárbıesіne jaýaptymyz. , – dedі Seıtqalı Begmanuly.
Ata-analardyń senіmіn aqtaý úshіn balabaqshada tártіp pen talap qatar júrýі kerek.