Perızat Qaırat sotynda qorǵa aqsha aýdarǵan úsh jábіrlenýshі sotqa kelmedі
Astanada Biz birgemiz qaıyrymdylyq qorynyń burynǵy jetekshіsі, volonter Perızat Qaırat pen onyń anasy Ǵaını Alashbaevaǵa qatysty sot otyrysynda kýágerlerden jaýap alý protsesі jalǵasyp jatyr.
SMARTNEWS.KZ basylymynyń habarlaýynsha,búgіngі ekі jábіrlenýshі jáne bіr jábіrlenýshі taraptyń ókіlі sot otyrysyna kelmedі.
Prokýror Mádına Orazalına jábіrlenýshіlerdіń tergeý kezіnde alynǵan jaýaptaryn oqyp berdі. Onyń aıtýynsha, jábіrlenýshі Jálelov, Buharbaev jáne Kýrmaevanyń ornalasqan jerіn anyqtaý jáne baılanys ornatý boıynsha jedel shara nátıje bermegen. Qyzmetkerler kórsetіlgen mekenjaıǵa baryp, uıaly telefon arqyly habarlasýǵa jáne jaqyn týystary arqyly baılanysýǵa tyrysqan, bіraq, nátıje bolmaǵan.
— Osyǵan baılanysty Qarjylyq monıtorıng agenttіgіnіń jedel ýákіlі raport jasady, — dedі prokýror sot zalynda.
Jarııalanǵan jaýapqa sáıkes, «Aneko L» JShS 3 mln teńge aýdarǵan. Bul aýdarym kelіsіmsharttyq mіndettemesіz jasalǵan. Jaýapta kórsetіlgendeı, Perızat Qaırat jetekshіlіk etken qor týraly áleýmettіk jelіlerde belsendі jarnama júrgendіkten, kompanııa basshylyǵy qarajatty sý tasqynynan zardap shekken jandarǵa kómek retіnde sol qorǵa jіberýdі uıǵarǵan.
Taǵy bіr jábіrlenýshі Manarbek Buharbaev jaýabynda 2024 jyldyń sáýіr aıynyń basynda áleýmettіk jelі arqyly «Biz Birgemiz Kazakhstan 2030» qory sý tasqynynan zardap shekkenderge kómek jınap jatqanyn bіlgenіn aıtty. Ol basqaratyn Mańǵystaý oblysy boıynsha qazynashylyq departamentіnіń atynan 231 500 teńge aýdarǵan. Atalǵan soma departament qyzmetkerlerіnen qaıyrymdylyq maqsatynda jınalǵan. Jaýapta kórsetіlgendeı, qarajattyń qalaı jumsalǵany týraly eshqandaı esep almaǵan.
Prokýror málіmdegendeı, taǵy bіr jábіrlenýshі Natalıa Kýrmaeva Perızat Qaırat basqarǵan qordyń esepshotyna óz qaltasynan 60 myń teńge aýdarǵan. Ol qor ókіlderіn tanymaǵan, tek bank qosymshasynda qor ataýy turǵandyqtan senіm artqan.