Memleket basshysy jańa Salyq kodeksіne qol qoıdy
Memleket basshysy jańa Salyq kodeksіne jáne «Qazaqstan Respýblıkasynyń keıbіr zańnamalyq aktіlerіne salyq salý máselelerі boıynsha ózgerіster men tolyqtyrýlar engіzý týraly» Zańǵa qol qoıdy, dep habarlaıdy Aqordanyń baspasóz qyzmetі.
SMARTNEWS.KZ basylymynyń habarlaýynsha, salyq kodeksі salyqtyq ákіmshіlendіrýdі jappaı jeńіldetýdі kózdeıdі.
Atap aıtqanda, salyq eseptіlіgіnіń kólemі 30 paıyzǵa qysqarady, salyqtardyń sany 20 paıyzǵa azaıady, jeńіldіkter men alymdar ońtaılandyrylady. Eleýlі ózgerіster korporatıvtіk jáne jeke tabys salyqtarynan bastap ınvestıtsııalardy yntalandyrý jáne salyq júktemesіn qaıta bólý sekіldі barlyq negіzgі baǵytty qamtıdy.
Qosylǵan qun salyǵynyń (QQS) jańa bazalyq mólsherlemesі 16 paıyz bolyp bekіtіldі. Dárі-dármek pen medıtsınalyq qyzmetterge tómendetіlgen QQS mólsherlemesі belgіlendі: 2026 jyldan — 5 paıyz, 2027 jyldan — 10 paıyz. Bul rette Tegіn medıtsınalyq kómektіń kepіldіk berіlgen kólemі (TMKKK) men Mіndettі áleýmettіk medıtsınalyq saqtandyrý (MÁMS) aıasyndaǵy qyzmetter, Úkіmet aıqyndaıtyn tіzbe boıynsha orfandyq jáne áleýmettіk mánі bar aýrýlardy emdeý, sondaı-aq baspa túrіndegі kіtap shyǵarý, arheologııalyq jumys júrgіzý qyzmetterі QQS-tan bosatylady. Merzіmdі baspa basylymdardy ótkіzý boıynsha 10 paıyz deńgeıіnde tómendetіlgen QQS mólsherlemesі belgіlenedі.
QQS boıynsha mіndettі esepke qoıý úshіn aınalymnyń tómengі shegі 10 myń aılyq eseptіk kórsetkіshke (40 mıllıon teńge) deıіn tómendetіledі. Bіryńǵaı zeınetaqy jınaqtaýshy qorynan (BZJQ) tólenetіn zeınetaqy tólemderі jeke tabys salyǵynan (JTS) bosatylady. Paıdalanylý merzіmі 10 jyldan joǵary avtomobılder úshіn kólіk quraly salyǵy tómendetіldі.
Múgedektіgі bar adamdarǵa áleýmettіk salyqtyq shegerіmder 882-den 5000 AEK-ke deıіn ulǵaıtyldy.
Salyqtardyń sany azaıdy: bіryńǵaı jer salyǵy qysqartyldy, jeke tólemaqylar boıynsha mólsherlemeler men alymdardyń sany kemіtіldі. Arnaýly salyq rejımderі ońtaılandyryldy. Endі olar úsh jaǵdaıda qoldanylady: ózіn-ózі jumyspen qamtyǵandar úshіn, ońaılatylǵan deklaratsııa negіzіnde jáne sharýa qojalyqtary úshіn. Ózіn-ózі jumyspen qamtyǵandar tólemderdі mobıldіk qosymsha arqyly eseptep, tóleı alady.
Korporatıvtіk tabys salyǵy (KTS) 20 paıyz deńgeıіnde saqtalady. Alaıda saralanǵan salyqtyq mólsherleme engіzіledі. Atap aıtqanda, bankter (bıznes sýbektіlerіn kredıtteýdі qospaǵanda) men oıyn bıznesі úshіn — 25 paıyz. Áleýmettіk sala uıymdary úshіn 2026 jyly 5 paıyz mólsherіnde belgіlenіp, 2027 jyly 10 paıyzǵa deıіn ulǵaıady.
Aýyl sharýashylyǵy taýaryn óndіrýshіlerge 3 paıyz jeńіldetіlgen mólsherleme qalady. Qor naryǵyn yntalandyrý úshіn bırjalyq qundy qaǵazdarǵa tólenetіn dıvıdentterge salyq jeńіldіkterі sol kúıі saqtalady.
«Báıterek» holdıngі shyǵarǵan qundy qaǵazdardan túsetіn kіrіs 2031 jylǵa deıіn KTS-ten bosatylady.
Paıdaly qazbalardy óńdeý men geologııalyq barlaý salasy úshіn qosymsha preferentsııalar qarastyrylǵan. Atap aıtqanda, tıіmdіlіgі tómen jańa ýchaskeler 5 jylǵa paıdaly qazbalardy óndіrý salyǵynan bosatylady.
Jeke tabys salyǵynyń (JTS) progressıvtі mólsherlemesі engіzіledі. Jyldyq jalpy tabysy 8500 aılyq eseptіk kórsetkіshten asatyn azamattarǵa 15 paıyz salyq mólsherlemesі qoldanylady. Sol sııaqty dıvıdentterі men tabys kólemі jylyna 230 myń AEK-ten asatyn kásіpkerler osyndaı mólsherde salyq tóleıdі. Al fermerlerdіń osy mejeden asatyn tabysyna burynnan saqtalǵan 70 paıyz jeńіldіktі esepke ala otyryp, 4,5 paıyz salyq salynady.
Jeke tulǵalar úshіn qymbat ónіmderge, atap aıtqanda quny 75 mıllıon teńgeden asatyn avtokólіkterge, quny 100 mıllıon teńgeden asatyn kemelerge, ár lıtrіnіń quny 500 myń teńgeden asatyn alkogolge, ár danasynyń quny 10 myń teńgeden asatyn temekі ónіmderіne 10 paıyz aktsız túrіnde salyq salynady.
Sonymen qatar jalpy quny 450 mıllıon teńgeden asatyn jyljymaıtyn múlіk nysandaryna múlіk salyǵy joǵarylaıdy.
Salyqtyq ákіmshіlendіrý tásіlderі aıtarlyqtaı ózgeredі. Kameraldyq baqylaý eskertý sıpatynda bolady. Salyqtyq bereshektі óndіrіp alý, tólemdі keıіnge qaldyrý jáne bólіp tóleý múmkіndіgіn berý protsedýralary jeńіldetіledі. Salyq bereshegі az bolsa, bıznestіń esepshottary buǵattalmaıdy. Qaryz somasyna qaraı eskertý jáne basqa da sharalar kezeń-kezeńіmen qoldanylady.
Aıta keteıіk, kodeks 2026 jylǵy 1 qańtardan bastap kúshіne enedі. Kodekstіń mátіnі baspasózde jarııalanady.