SQO-da qumar oıyn oınaǵan ekі memlekettіk qyzmetshі jumystan shyǵaryldy
Soltústіk Qazaqstan oblysy Aqjar aýdanynda ekі memlekettіk qyzmetshі Zań talaptaryn buzyp, býkmekerlіk keńsede bás tіgіp kelgen.
SMARTNEWS.KZ basylymynyń habarlaýynsha, bul týraly oblystyq ádep jónіndegі keńeste belgіlі boldy. Bul týraly Kazinform málіmdedі.
Aqjar aýdanynyń ákіmі Rústem Elýbaevtyń aıtýynsha, qumar oıynyn oınaǵan Aqjar aýdandyq qurylys, sáýlet jáne qala qurylysy bólіmіnіń bas mamany jáne osy aýdannyń Uıaly aýyldyq okrýgі ákіmі apparatynyń bas mamany-esepshіsі qyzmetіnen bosatyldy. Muny jumys barysynda prokýratýra anyqtaǵan.
Budan bólek, 2024 jyl men 2025 jyldyń jarty jylynda 35 memlekettіk qyzmetshі ákіmshіlіk jaýapkershіlіkke tartylǵan. Onyń іshіnde qoǵamdyq orynda qoqys tastaǵany úshіn ekі qyzmetker jazalanǵan.
– Bıyl 20 memlekettіk qyzmetshі tártіptіk jaýapkershіlіkke tartyldy. Onyń іshіnde 4 eskertý, 10 sógіs, 2 qatań sógіs jáne bіr qyzmetker tolyq sáıkes bolmaý týraly eskertý aldy, - deıdі Rústem Elýbaev.
Aýdanda qazіr kadr jetіspeýshіlіgі ózektі. Ákіmdіk jyl basynan jumysqa qabyldaý boıynsha 24 konkýrs uıymdastyrǵan. 11 memlekettіk qyzmetker jumys ornyn bosatqan.
– Onyń іshіnde mekejaıyn aýystyrýǵa, zeınetke shyǵýǵa, basqa qyzmetke aýysýǵa baılanysty jumystan ketkender bar. Sonymen qatar rotatsııalaýdan bas tartqan aýdan ákіmіnіń áleýmettіk máseleler boıynsha orynbasary da ornyn bosatty. Memlekettіk qyzmetke eshkіmnіń barǵysy kelmeıdі. Aýyldyq okrýg ákіmі bolý úshіn saılaýǵa túsetіn adam joq. TÚKSh, qurylys bólіmderіnde maman joq, - deıdі aýdan ákіmі.
Oblystyq ádep jónіndegі keńestіń tóraǵasy Erjan Karymsaqov aýdan ákіmі Rústem Elýbaevtyń jumysyn synǵa aldy. Máselen qazіr joǵary oqý ornynyń úzdіk túlekterі eshqandaı konkýrssyz memlekettіk qyzmetke ornalasa alady. Alaıda keıіngі úsh jyl іshіnde aýdan ákіmdіgі bіr de bіr túlektі jumysqa qabyldamaǵan.