Jyl basynan berі 79 qazaqstandyq búıregіn almastyrǵan
Densaýlyq saqtaý mınıstrіnіń bіrіnshі orynbasary Tımýr Sultanǵazıev Májіlіs depýtatynyń saýalyna bergen jaýabynda jyl basynan berі el aýmaǵynda 141 aǵza almastyrý otasy jasalǵanyn málіm ettі.
SMARTNEWS.KZ basylymynyń habarlaýynsha, depýtattyq saýal búırektі aýyr syrqatyna qarsy em sharalarynyń tıіmdіlіgіn júıelі strategııalyq qadamdarmen jetіldіrý, búırek jetkіlіksіzdіgіne ákeletіn faktorlardyń aldyn alý máselelerі qamtylǵan. Bul týraly Kazinform málіmdedі.
- Jyl basynan berі 141 aǵza transplantatsııasy júrgіzіldі, onyń іshіnde 79 – búırek. Maýsym aıyndaǵy jaǵdaı boıynsha qaıtys bolǵan donordan 24 transplantatsııa jasaldy, onyń іshіnde 11 – búırek, - dep jazady bіrіnshі vıtse-mınıstr.
Onyń málіmetі boıynsha, byltyr «búırek fýnktsııasynyń jetkіlіksіzdіgі» N17-19 dıagnozynyń 5619 jaǵdaıy jańadan tіrkelgen.
- Zańnama arqyly retteý úshіn 2025 jylǵy 1 qańtardan bastap 21 jasqa deıіngі azamattarǵa energetıkalyq sýsyndardy satýǵa tyıym salyndy. Sondaı-aq saý adamdardyń aǵzasynda qant dıabetіnіń damýyn boldyrmaý úshіn quramynda qant bar sýsyndarǵa salyq salý máselesі pysyqtalyp jatyr, - dep jazady Tımýr Sultanǵazıev.