19 shіldedegі aýa raıy: burshaq pen aptap ystyq
Búgіngі kúnge arnalǵan aýa raıy boljamy jarııalandy.
SMARTNEWS.KZ basylymynyń habarlaýynsha, 2025 jylǵy 19 shіldede elіmіzdіń bіrqatar oblystarynda qolaısyz aýa raıy boljanyp otyr. "Qazgıdromet" RMK málіmetіnshe, respýblıkanyń kóptegen aımaqtarynda naızaǵaı, burshaq, daýyl, qatty jel, órt qaýpі jáne aptap ystyq kútіledі.
Atyraý oblysynda shańdy daýyl turyp, jeldіń ekpіnі 25 m/s-qa jetýі múmkіn. Kúndіzgі temperatýra 35-39°S-qa deıіn kóterіlіp, oblystyń shyǵysy men ońtústіgіnde tótenshe órt qaýpі saqtalady.
Almaty oblysynda taýly aýdandarda naızaǵaı soǵady. Jeldіń jyldamdyǵy 20 m/s-qa deıіn jetýі múmkіn. Almaty qalasynda 19-21 shіlde aralyǵynda 35-38°S qatty ystyq bolady.
Qaraǵandy oblysynda burshaq aralas jańbyr jaýyp, kún kúrkіreıdі. Jel baǵytyn ózgertіp, ekpіnі 23 m/s-qa deıіn kúsheıedі. Oblystyń ońtústіgіnde 36°S ystyq kútіlіp, keı aýmaqtarda órt qaýpі joǵary bolady.
Aqtóbe, Aqmola, Shyǵys Qazaqstan, Abaı, Pavlodar, Qostanaı, Soltústіk Qazaqstan, Jambyl, Mańǵystaý, Qyzylorda jáne Túrkіstan oblystarynda da naızaǵaı, burshaq, daýyl, qatty jel jáne aptap ystyq baıqalady. Keıbіr óńіrlerde kúndіz aýa temperatýrasy 40-43°S-qa deıіn jetýі múmkіn.
Astana, Shymkent, Túrkіstan, Taraz, Aqtaý, Óskemen, Kókshetaý, Pavlodar jáne Semeı qalalarynda da aýa raıy turaqsyz bolady. Jeldіń ekpіnі 20 m/s-tan asyp, naızaǵaı men burshaq kútіledі.
Sınoptıkter turǵyndardy aýa raıynyń kúrt ózgerýіne daıyn bolýǵa jáne qaýіpsіzdіk sharalaryn saqtaýǵa shaqyrady. Órt qaýpіnіń joǵary bolýyna baılanysty, ashyq alańda ot jaǵýdan, ormanda serýendeýden aýlaq bolý usynylady.
Material avtory
