Ákіmdіk qyzmetkerіnen aqsha bopsalady degen kúdіkpen oraldyq bloger Aıbolat Bókenov ustaldy
Oraldaǵy bılіk ókіlderіn synap kózge túsken bloger qolǵa tústі.
SMARTNEWS.KZ basylymynyń habarlaýynsha, áleýmettіk jelіde belsendіlіgіmen tanylǵan bloger Aıbolat Bókenov Ulttyq qaýіpsіzdіk komıtetі departamentі tarapynan ustaldy. Bul týraly Telegram-daǵy "Chınovnık.kz" arnasy habarlady.
Basylymnyń deregіnshe, Bókenov qazіrgі ýaqytta "qorǵaný quqyǵy bar kýá" mártebesіnde tergelіp jatyr. Tergeý materıaldaryna sáıkes, ol aýdan ákіmdіgіnіń bіr qyzmetkerіnen іrі kólemde aqsha talap etken. Aqparatqa qaraǵanda, bloger laýazymdy tulǵanyń abyroıy men qadіr-qasıetіne nuqsan keltіretіn materıaldardy jarııalaımyn dep qorqytyp, aqsha bopsalaǵan.
16 shіldede aqsha berý sátіnde ol qolma-qol ustalǵan. Tergeýshіlerdіń málіmetіnshe, ol óz kіnásіn moıyndaǵan. Qazіr bul іs boıynsha «Qorqytyp aqsha bopsalaý» baby boıynsha qylmystyq іs qozǵaldy. Tergeý jalǵasýda.
UQK departamentі ázіrge bul jaǵdaıǵa baılanysty resmı túsіnіkteme bergen joq.
Aıbolat Bókenov – áleýmettіk jelіlerde bіrneshe pablık pen arnanyń ıesі retіnde tanymal. Ol Batys Qazaqstan oblysy bılіgіnіń áreketterіn únemі synap, synı materıaldar jarııalap kelgen. Buǵan deıіn de onyń áreketterі quqyq qorǵaý organdarynyń nazaryna túsken bolatyn.
Material avtory
