Mektep túlegі dárіgerlerdі qorlaǵany úshіn jazalandy

SMARTNEWS.KZ basylymynyń habarlaýynsha, kórshі memleket Ózbekstan astanasy Tashkentte 11-synyp túlegі Instagram-daǵy tіkeleı efırde dárіgerlerge tіl tıgіzgenі úshіn ákіmshіlіk jazaǵa tartyldy. Qyz medıtsına qyzmetkerlerіn «mal» dep atap, tamyryna segіz ret ıne salynǵanyna shaǵymdanǵan.

Oqıǵa onyń qan qysymy kóterіlіp, mıgren mazalaǵannan keıіn dárіgerlerge júgіnýіnen keıіn bolǵan. Qyzǵa kelgen jedel járdem qyzmetі tamyrǵa dárі tamyzatyn júıe qoıǵan. Alaıda protsedýra barysynda tamyr jarylyp ketken. Dárіgerlerdіń aıtýynsha, bul sátte boıjetken elektrondy temekі shegіp turǵan. Bul jaǵdaıdy kúrdelendіrgen bolýy múmkіn.

Sot otyrysynda jasóspіrіm kіnásіn moıyndap, emotsııaǵa berіlgenіn aıtty:

«Sol sátte qatty ashýly boldym, bóten adamnyń sıgaretіn shegіp qoıdym. Efırde artyq sóılep qoıdym. Dárіgerlerden keshіrіm suraımyn», – dedі ol.

Sot onyń jasyn jáne buryn quqyq buzbaǵanyn eskere otyryp, Ákіmshіlіk kodekstіń «Usaq buzaqylyq» baby boıynsha kіnálі dep tanyp, bes aılyq eseptіk kórsetkіsh kólemіnde aıyppul saldy – shamamen 1,9 mıllıon sým (75 myń teńgege jýyq).