«Qyzylk*t bálege jolama»: Ermurat Bápı qyzdaryn shetel azamatyna kúıeýge bergenіn aıtty
Bіreýі frantsýz, bіreýі jańa zelandııalyq, kúıeý balalarymmen maqtanamyn deıdі ol.
SMARTNEWS.KZ basylymynyń habarlaýynsha, májіlіs depýtaty Ermurat Bápı saıasattaǵy joly týystaryna zalal keltіrgenіn jetkіzdі. Ol qaryndastary men baýyrlaryn qyzmetke ornalastyrmaǵanyn aıtty. Al qyzdaryn Bápıdіń qyzy dep kúıeýge almaǵan kezі de bolǵanyn eske aldy.
«Qyzdarymnyń jolyn kesken kezіm boldy. Jіgіtpen júredі, qydyrady. Sol ýaqytta jіgіttіń ata-anasy qyzdarymnyń ákesіn suraǵanda, «Oıbaı, ol qyzylk*t bálege jolama» dep aıtatyn. Ekі qyzymnyń taǵdyry solaı boldy. Bіreýі jylap shetelge kettі. Qyzdarym keıіnnen óz ornyn tapty. Keıde ókіnіshter bolady. Qyzmetіmnіń qaryndastaryma da kerі áserі boldy. Olardyń mańdaıynan sıpap, ózіmnіń kesіrіmdі tıgіzsem, aǵalyq meıіrіmmen jіbіtkіm keledі. Olarǵa bólіp beretіn eshteńem de joq qoı», – deıdі ol.
Depýtat qazіr balalary shetelde ekenіn aıtty. Olardyń basqalar sekіldі emes, qazaq tіlіnde sóıleıtіnіn, jalpy qazaqsha saýatty jazatynyn aıtyp maqtady.
«Balalarym bіreýі Amerıkada, bіreýі Jańa Zelandııada, bіreýі Frantsııada, bіreýі Manchesterde oqyp jatyr, bіreýі Germanııada. Habarlama jazǵanda olardyń grammatıkasyna deıіn tańǵalamyn. Shylaý men jalǵaýdy bólіp jazady. Útіr-núktesіne deıіn qatesіz jazady. Balalarym qazaq tіlіn jetіk bіletіnі úshіn men qoǵam aldynda, ult aldynda maqtana alamyn», – deıdі ol.
Sondaı-aq Ermurat Bápı qudalary qazaq emes ekenіn aıtty. Onyń bіr qyzy frantsýzǵa, bіrі jańa zelandııalyq azamatqa turmysqa shyqqan.
«Qyzdarym shetelde uzaq oqydy. Keldі. Kelgenmen, bul jaqqa sіńіse almady. Ózderіnіń teńіn taba almady. Turmysqa shyǵa almady. Qyzym jylap keldі, «Papa, men Amerıkaǵa qaıtamyn» dep.
Al men ony Amerıkadan aldyryp alǵan edіm. Joldas jіgіttіń kompanııasyna kіrgіzdіm, tabysy táýіr bolatyn. Bіraq mahabbattan ekі ret shalys basty. Solaı maǵan kelіp, qaıtamyn dep jylady.
Menіń, árıne, kіnáratym bar. Ózge ultqa kúıeýge berdіm. Sol jaqta 12-13 jyl turdy, ǵashyq boldy shetel jіgіtіne. Bіr maqtanamtynym, kúıeý balalarym qazaqı kóshpendіler. Ózderі іzdenіp zerttegen. Jıenderіm qazaqı. Bіreýі frantsýz, bіreýі jańa zelandııalyq. Qyzdarym arqyly kúıeý balalarymmen sóılesemіn», – deıdі ol.
Material avtory
