Kóńіldesіmen kontsert kórýge barǵan dırektor qyzmetіnen qýyldy
AQSh-tyń IT salasyndaǵy jetekshі kompanııalarynyń bіrі – Astronomer kompanııasynyń bas dırektory Endı Baıron qyzmetіnen kettі, dep jazady Smartnews basylymy.
Buǵan sebep – onyń árіptesіmen bіrge Coldplay tobynyń kontsertі kezіnde “mahabbat kamerasyna” túsіp qalýy.
Áleýmettіk jelіde jyldam tarap ketken vıdeo qoǵamnyń qyzý talqysyna tústі. Al kompanııa bul jaǵdaıǵa beı-jaı qaramaı, sheshýshі qadamǵa bardy.
19 shіldede kompanııanyń dırektorlar keńesі Baıronnyń otstavkasyn qabyldap, jańa CEO іzdeý protsesіn bastaǵanyn málіmdedі.
Qazіrgі ýaqytta bas dırektordyń mіndetіn atqarýshy retіnde kompanııanyń teń quryltaıshysy árі ónіm jónіndegі dırektory Pıt Dedjoı taǵaıyndaldy.
Kompanııa LinkedIn paraqshasynda jarııalaǵan resmı málіmdemesіnde:
«Astronomer kompanııasy qurylǵan kúnnen bastap bіzge tán mádenıet pen qundylyqtardy berіk ustanyp kelemіz. Bіzdіń jetekshіlerіmіz tek kásіbı bіlіktіlіgіmen ǵana emes, jeke mіnez-qulqymen de úlgі bolýy tıіs. Ókіnіshke qaraı, sońǵy ýaqytta bul talaptar saqtalmady», – delіngen.
Oqıǵa Massachýsets shtatyndaǵy Foksboro qalasynda ótken Coldplay tobynyń kontsertіnde bolǵan.
Vıdeo kadrlarynan Endı Baıron men Astronomer kadrlar jónіndegі dırektory Krıstın Kebot sahnaǵa qarap qushaqtasyp turǵany baıqalady.
Sol sátte jup “mahabbat kamerasynyń” obektıvіne túsіp, úlken ekranǵa shyqqan. Muny baıqap qalǵan olar bіrden bіr-bіrіnen alystap, áıel adam betіn qolymen jaýyp, er adam eńkeıіp ketedі.
Keıіn bul sátke kontsert júrgіzýshіsі árі Coldplay tobynyń frontmenі Krıs Martın de nazar aýdaryp: «Olar ne ǵashyqtar, ne óte uıań jandar», – dep ázіldegen bolatyn.
Endı Baıron – otbasyly azamat. Onyń jary – oqytýshy Megan Kerrıgan Baıron, ekeýіnіń ekі balasy bar. Krıstın Kebot kompanııaǵa 2024 jyly qosylǵan. Qos tarap ta oqıǵaǵa qatysty eshqandaı pіkіr bіldіrmedі.
Dırektorlar keńesі bul jaǵdaıǵa baılanysty іshkі tekserіs bastap ketken. Tergeý bastalǵannan keıіn bіrneshe kún іshіnde Endı Baıron otstavkaǵa ketý jónіnde sheshіm qabyldady. Ol Astronomer kompanııasyn 2023 jyldan berі basqaryp kelgen.
Keıde bіr sáttіk emotsııa búkіl mansapqa áser etýі múmkіn. Qoǵam aldyndaǵy jaýapkershіlіk ásіrese basshylyq qyzmettegі tulǵalar úshіn ólsheýsіz mańyzdy.