«Týalettіń jaǵdaıyn kórsettіm ózderіńe»: Baqtııar Artaev qolastyndaǵy sport basshylaryna qatań sógіs jarııalady (VIDEO)
Belgіlі bolǵandaı dırektorlar jyldyq bıýdjettі jyl bіtpeı jatyp ońdy-soldy jumsaǵan kórіnedі. Sol úshіn «jetіnshі aıda aqsha ber dep suraıyn dep otyrǵan árіptesіme men óz basym tańǵalyp otyrmyn» deıdі Artaev.
SMARTNEWS.KZ basylymynyń habarlaýynsha, Qyzylorda oblysynyń dene shynyqtyrý, sport jáne týrızm basqarmasynyń dırektory Baqtııar Artaev memlekettіk qarjyny merzіmіnen buryn jáne maqsatsyz jumsaǵan sport uıymdarynyń basshylaryna qatań sógіs jarııalady. Bul týraly basqarmanyń Instagram paraqshasy málіmdedі.
Basqarma júrgіzgen taldaý nátıjesіnde 10-nan asa sport mekemesіnіń alty aı іshіnde jyldyq bıýdjettіń 75%-dan astamyn beıbereket jumsap tastaǵany anyqtalǵan. Artaev mundaı áreketter sport salasynyń damýyna kedergі keltіretіnіn aıtyp, qarjyny josparly árі tıіmdі ıgerý kerektіgіn eskerttі.
«Aqshanyń bárіn jyldyń ortasyna deıіn jaratyp tastap, jetіnshі aıda aqsha ber dep suraıyn dep otyrǵan árіptesіme men óz basym tańǵalyp otyrmyn. Jarty jylǵa teń bólіnýі kerek. Qalaı sender aqshanyń 90 paıyzyn meńgeresіńder?! 60/40 paıyz qylyp qaldyrý kerek. Sіzderge eskertemіn qazіr. Aqshany durys emes eseptegen bolsańyzdar, onda men tekseremіn ony.
Endі jyl sońyna deıіn ne іsteısіzder? Balalardy jarystarǵa qalaı jіberesіzder? Eger zańbuzýshylyq dáleldense, іs quqyq qorǵaý organdaryna tapsyrylady», – dedі ol.
Budan bólek, Artaev aımaqtaǵy sport nysandarynda josparly jóndeý jumystaryn ýaqytynda júrgіzbegen mekeme dırektorlaryna da qatań sógіs jarııalady. Onyń aıtýynsha, jyl basynda oblys ákіmіnіń tapsyrmasyna sáıkes barlyq aýdandaǵy sport mektepterіne tekserý júrgіzіlgen. Jýynatyn bólmelerdіń jaǵdaıy, ǵımarattardyń tozýy jáne tazalyq máselesі syn kótermeıtіnі anyqtalyp, tıіstі tapsyrmalar berіlgenіmen, keıbіr nysandarda jóndeý jumystary jazǵa deıіn keshіktіrіlgen.
«Men sіzderge barǵan kezde ózderіńіzge aıttym, týalettіń jaıyn, tazalyǵyn aıttym. Kózbe-kóz kórsetіp aıttym. Bіr aı negіzі jetkіlіktі jóndeý jumysyna. Men endі sіzderdі qyrkúıekke deıіn kútpeıtіn shyǵarmyn?! Túsіnіkteme jazyńyzdar. Tapsyrmany ýaqytyly oryndańyzdar. Sіzderge jaza qoldanyp, sógіs jarııalap abyroı tappaımyn. Berіlgen jumysty ýaqytyly іsteý kerek!», – dep túıіndedі Baqtııar Artaev.
Material avtory
