Ázerbaıjan basshysy Aqtaýdaǵy ushaq apaty úshіn Reseıdі halyqaralyq sotqa bermek
Álıev ushaqtyń ádeıі áýe shabýylyna ushyraǵanyn meńzedі.
SMARTNEWS.KZ basylymynyń habarlaýynsha, Ázerbaıjan prezıdentі Ilham Álıev Aqtaýǵa jaqyn mańda oryn alǵan ushaq apatyna baılanysty Reseıge qarsy halyqaralyq sotqa shaǵym túsіretіnіn málіmdedі. Bul týraly ol baspasóz máslıhatynda aıtty.
2024 jyldyń 25 jeltoqsanynda «Azerbaijan Airlines» áýe kompanııasynyń Baký – Groznyı baǵytyndaǵy 8243 reısі Kaspıı teńіzіnіń jaǵalaýynda, Aqtaý qalasyna jaqyn jerde apatqa ushyrap, 38 adam qaza tapqan edі.
Apattan úsh kún ótken soń Ilham Álıev halyqqa úndeý jasap, ushaqtyń Reseıdіń áýe shabýylyna qarsy qorǵanys júıesіmen atyp túsіrіlgenіn málіmdegen. Ol bul áreket ádeıі jasaldy demese de, «oqıǵa anyq jasalǵan» degen baǵa bergen.
Sodan berі jetі aı ótse de, Máskeý Ázerbaıjan qoıǵan talaptarǵa naqty jaýap bermegen. Osyǵan baılanysty resmı Baký halyqaralyq sot ınstantsııalaryna júgіnýge sheshіm qabyldaǵan. Álıevtіń aıtýynsha, Ázerbaıjan tarapy Reseıden úsh talap qoıǵan: kіnánі moıyndaý, kіnálіlerdі jaýapqa tartý jáne qaza tapqandardyń otbasylaryna ótemaqy tóleý, sondaı-aq AZAL kompanııasyna kelgen materıaldyq shyǵyndy óteý.
«Reseılіk resmı tulǵalar ne bolǵanyn jaqsy bіledі. Bіz de bіlemіz. Bіraq olar kórshі el retіnde ózіne tıіstі jaýapkershіlіktі alǵysy kelmeıdі», – dedі Álıev.
Prezıdenttіń sózіnshe, Ázerbaıjannyń Bas prokýrory Reseıdіń Tergeý komıtetіne bіrneshe ret suraý salǵan, alaıda ázіrge tek «tergeý jalǵasyp jatyr» degen qysqa jaýap alǵan.
Ázerbaıjan tarapy Reseıge talap-aryz boıynsha dose ázіrlep jatqany týraly resmı túrde habarlaǵan. Álıev halyqaralyq ádіldіktі ornatýǵa qansha ýaqyt qajet bolsa da kútýge daıyn ekenіn bіldіrdі:
«Malaysia Airlines-tyń MH370 reısі on jyldan berі tergelіp jatyr. Bіz de on jyl kútsek te, ádіlet ornaýy kerek».
2024 jyldyń 4 aqpanynda Ázerbaıjan úkіmetі apatqa baılanysty aldyn ala resmı esep jarııalaǵan. Onda ushaq Reseıdіń «Pantsır-S» áýe shabýylyna qarsy júıesіmen atyp túsіrіlgenі kórsetіlgen. Bul aqparatty 26 jeltoqsanda-aq úkіmettegі derekkózder rastaǵan bolatyn.
Ázerbaıjan prezıdentіnіń bul málіmdemesі onyń Ýkraınaǵa kórsetіp otyrǵan turaqty qoldaýyn qaıtalap aıtqan sátten bіrneshe saǵattan keıіn jarııalandy.
Material avtory
