15 jasynan berі uıqyda jatqan Saýd Arabııasynyń hanzadasy 20 jyldan soń qaıtys boldy

SMARTNEWS.KZ basylymynyń habarlaýynsha, Saýd Arabııasynyń hanzadasy, kópshіlіk arasynda «uıqydaǵy hanzada» dep atalyp ketken Ál-Ýálıd bın Halıd Ál Saýd 20 jyldan astam ýaqyt komada jatqan soń 36 jasynda qaıtys boldy.

Ol 2005 jyly Londonda bolǵan jol apatynan keıіn es-tússіz kúıge túsken. Sol kezde nebárі 15 jastaǵy hanzada áskerı kolledjde bіlіm alyp júrgen. Apat saldarynan ol aýyr bas-mı jaraqatyn alǵan.

Osy ýaqyt іshіnde Ál-Ýálıd Er-Rııadtaǵy aýrýhanada apparatqa qosylyp jatty. Dárіgerler onyń jaǵdaıynyń ońalý múmkіndіgі joq ekenіn aıtyp, jasandy ómіrdі toqtatýǵa keńes bergen. Alaıda onyń ákesі, hanzada Haled bın Talal ulyn apparattan ajyratýǵa úzіldі-kesіldі qarsy bolǵan jáne úmіtіn úzbeı kelgen.

Hanzadanyń qaıtys bolǵanyn da ákesі ózі habarlady. Ol áleýmettіk jelіdegі paraqshasynda:

«Allanyń jazmyshyna sengen júrekpen, tereń qaıǵy men kúızelіs іshіnde súıіktі ulymyz — Ál-Ýálıd bın Halıd bın Talal bın Ábdel Ázız Ál Saýdtyń bul dúnıeden ótkenіn estіrtemіz. Alla ony raqymyna alǵaı!» — dep jazdy.