«Aýzyma belgіsіz aq untaq saldy»: Ekіbastuz turǵyny burynǵy qyzyn bіr saǵat boıy azaptaǵan (FOTO)
Qyz ádіldіk surap jelіde jazba qaldyrdy.
SMARTNEWS.KZ basylymynyń habarlaýynsha, Ekіbastuz qalasynyń turǵyny burynǵy jіgіtі tarapynan qatygezdіkpen soqqyǵa jyǵylǵanyn málіmdedі. Onyń sózіnshe, oqıǵa 18 shіlde kúnі bolǵan.
Jábіrlenýshіnіń aıtýynsha, er adam shabýyldy ádeıі jáne sýyqqandylyqpen jasaǵan.
«Ol menі baspen qabyrǵa men edenge soqty, denemdі tepkіlep, qylqyndyrdy. Aýzyma belgіsіz aq untaqty salyp, dárі іshkіzbek boldy. Bul áreketter onyń menіń ómіrіme qastandyq jasaǵanyn dáleldeıdі. Shabýyldan keıіn oqıǵa ornynda qajettі tergeý amaldary ýaqtyly júrgіzіlmedі. Qylmys bolǵan jer qorshaýǵa alynbady, bul aıǵaqtardyń joıylýyna jol ashýy múmkіn», — dep jazdy áıel adam áleýmettіk jelіdegі paraqshasynda.
Onyń aıtýynsha, polıtseıler oqıǵa ornynda tolyqqandy tekserý júrgіzbegen. Qan іzderі, soqqy jasaý úshіn qoldanylǵan zattar (shanyshqy, pyshaq), er adamnyń aýzyna salyp jіbergen belgіsіz aq zat, tabletkalar, tóbeles іzderі, búlіngen jıһaz sekіldі dálelder tіrkelmegen.
«Quqyq qorǵaý organdary tarapynan bolǵan nemquraılyq úshіn qyzmetkerlerdіń áreketterіnіń zańdylyǵyn tekserýdі jáne kіnálіlerdі jaýapqa tartýdy suraımyn», — dedі jábіrlenýshі.
Pavlodar oblysy polıtsııa departamentі bul fakt boıynsha qylmystyq іs qozǵalǵanyn habarlady.
«Kúdіktі ustalyp, ýaqytsha ustaý ızolıatoryna qamaldy. Qazіrgі ýaqytta oqıǵanyń mán-jaıy men sebepterі anyqtalýda», — dedі polıtsııa ókіlі.
Material avtory
