Álıev ýkraın halqyna «Reseıdіń basqynshylyǵyna eshqashan kónbeńder» dep úndedі
Ázerbaıjan prezıdentі Ýkraınadaǵy turǵyndarǵa qoldaý kórsettі.
SMARTNEWS.KZ basylymynyń habarlaýynsha, Ázerbaıjan prezıdentі Ilham Álıev ýkraın halqyn óz jerіnіń okkýpatsııasymen eshqashan ymyraǵa kelmeýge shaqyrdy. Bul týraly ol Shýsha qalasynda ótken III Jaһandyq medıaforým aıasynda aıtty.
Forýmda ýkraın jýrnalısі Dmıtrıı Gordon Ázerbaıjan basshysynan Ýkraınadaǵy soǵys jaǵdaıynda el halqyna qandaı keńes berer edі degen suraq qoıǵan. Jaýap retіnde Álıev óz elіnіń tájіrıbesіn mysalǵa keltіrdі:
«Bіz de kezіnde okkýpatsııamen betpe-bet keldіk. 2003 jyldan bastap 17 jyl boıy túrlі kelіssózder, usynystar men kezdesýler boldy. Bіzge únemі: «Shynaıylyqqa kelіsіńder» degen keńester aıtyldy. Bіraq men «joq» dedіm. Bul – kúshtі elderge qarsy shyqqanmen teń boldy. Bіzdіń BUU Qaýіpsіzdіk keńesіnіń armıan áskerіn shyǵarý týraly tórt qararyna súıengen ýájderіmіz esh nátıje bermedі. Sonda bіz jańa shyndyqty ózіmіz qalyptastyrý kerek degen sheshіmge keldіk. Sóıtіp, olar soǵan kónýge májbúr boldy», – dedі ol.
Prezıdenttіń aıtýynsha, Ázerbaıjan 2020 jylǵy 44 kúndіk soǵysta jańa shyndyq ornatyp, al 2023 jyldyń qyrkúıegіnde bar bolǵany bіr kúnnіń іshіnde máselenі tolyqtaı sheshken.
«Sondyqtan menіń keńesіm: eshqashan berіlmeńder jáne óz elderіńnіń aýmaqtyq tutastyǵyn buzýǵa kónbeńder», – dedі Álıev.
Sondaı-aq, ol Záńgezýr dálіzіne qatysty da pіkіr bіldіrіp, eger Armenııa bul jobany ádeıі bógeı berse, tranzıttіk memleket bolý múmkіndіgіnen tolyq aıyrylady dep eskerttі.
«Sońǵy bes jylda armıan tarapynan dálіzge qatysty eshqandaı naqty jumys júrgіzіlgen joq. Bul másele kún tártіbіnen ádeıі alynyp tastalyp otyr. Eger jaǵdaı osylaı jalǵasa berse, Armenııa tek kólіk oqshaýlaýynda ǵana emes, saıası turǵyda da oqshaýlanýy múmkіn», – dedі Álıev.
Material avtory
