Aqtóbe oblystyq TJD málіmetіnshe, oqıǵa Edіge batyr dańǵylynda ornalasqan avtogaz quıý stantsııasynyń aýmaǵynda bolǵan. Qaıǵyly jaǵdaı turmystyq gaz ballonyn (kólemі 25 lıtr) toltyrý kezіnde oryn alǵan.
Dabyldyń joǵary deńgeıіne sáıkes oqıǵa ornyna Jedel-qutqarý jasaǵy jáne Apattar medıtsınasy ortalyǵynyń kúshterі dereý jumyldyrylǵan. Órt sóndіrýshіlerdіń jedel áreketіnіń arqasynda jalyn tolyqtaı aýyzdyqtalyp, ottyń janarmaı quıý beketіnіń rezervýarlaryna taralýyna jol berіlmedі.
Belgіlі bolǵandaı, avtogaz quıý stantsııasynyń operatory jaraqat alyp, moıny men qolynan kúıіk shalǵan. Ol aýrýhanaǵa jetkіzіlgen.
Oblystyq densaýlyq saqtaý basqarmasynyń málіmetіnshe, jaralanǵan azamat qazіr kópbeıіndі oblystyq aýrýhananyń travmatologııa bólіmіnde jatyr. Dárіgerler onyń jaǵdaıyn turaqty dep baǵalap otyr, ol esіn bіledі jáne qajettі em qabyldaýda.
