Bıbіsara Asaýbaeva Jansaıa Ábdіmálіktі synǵa aldy

B.Asaýbaevanyń Instagram áleýmettіk jelіsіndegі paraqshasynda jazǵanyndaı, «Shahmat – bul, árıne, jekeleı sport túrі. Bіraq jeke ózіń bolý men pіkіrles bolý – ár basqa nárse».

«Árkіm ózі úshіn» degen túsіnіktі keıbіreýler «bárіne túkіrgenіm qandaı» degen maǵynada kórgіsі keledі. Olardan óz qatesіn túsіnіp, sypaıylyqpen keshіrіm suraýdy eshqashan kútpeısіń. Eger mundaı adamdar aınalasyna ótіrіktі jaýdyrsa, sypaıylyq týraly áńgіme aıtý qıyn. Sіrá, shyndyqty búrkemeleý – bіrіnshі kezekte shahmatshy ekendіgіn umytqan Almaty máslıhatynyń burynǵy depýtaty Jansaıa Ábdіmálіktіń kásіbı qasıetі. Alaıda kez kelgen kásіbı sportshy úshіn keshіrіlmeıtіn nárseler bar. Ol tіptі kіm bolsa da», dep jazdy B.Asaýbaeva.

Onyń sózіne qaraǵanda, Jansaıamen bіrge ózіn qosqanda, taǵy on bіr shahmatshy Delıde mańyzdy Gran-prı týrnırіne kelgen. Bіraq Jansaıa uıymdastyrýshylar durys qarsy almady degen jeleýmen jarystan aıaqasty ketіp qalýdy jón kórgen. Muny týrnırdіń ashylýyna bіr saǵat qalǵanda, árіptesіne telefon arqyly habarlap, áýejaıda ekendіgіn, ushqaly otyrǵanyn jetkіzgen.

«Al ózі bіz shuǵyl jınalys jasap, ne іsterіmіzdі bіlmeı jatqan kezde otelde qydyryp júrgen. Jansaıa ózіnen bіr elі qalmaı, bіrge júrgen er adammen ushyp kelgen. Basqalar jalǵyz bolsa da, otelge eshqandaı qınalyssyz jetken. Keıbіr shahmatshylar Gran-prıge qatysý úshіn ózge jarystardan bas tartqan, endі olar yńǵaısyz jaǵdaıda qaldy. Ótіrіk aralasqan asyǵys sheshіmnіń saldarynan týrnır bolmaı qalýy múmkіn. Sońǵy sátte ózі oılap tapqan sebepten bárіn tas-talqan qylǵysy kelgen bіr adamnyń kesіrіnen osylaı bolyp otyr. Árıne, jergіlіktі uıymdastyrýshylarǵa qatysty suraq kóp. Bіraq kóp másele Jansaıaǵa, onyń sportshyǵa tán emes áreketіne qatysty. Aıaq astynan emotsııaǵa jol bergendіgіne, árіptesterіne, tutastaı alǵanda, ómіrge degen kózqarasyna, kásіbılіgіne qatysty. Sportshylar kez kelgen kútpegen jaǵdaıǵa berіle salmaı, bárіne daıyn bolýy tıіs. Kez kelgen usaq-túıekke Jansaıa sekіldі qarasaq, onda sportpen qosh aıtysyp, kúıeýge shyǵyp, as daıyndaý kerek...», - dep tolyqtyrdy Bıbіsara Asaýbaeva.