«Qazaqstan «mambetterіmen» tanymal» degen qaraǵandylyq kásіpkerdіń ústіnen qylmystyq іs qozǵaldy

Threads qoldanýshysynyń «Shvetsııa — IKEA-men, Fınlıandııa — Nokia-men, Danııa — Lego-men tanymal. Al Qazaqstan she?» degen jazbasyna Alıka «Mambetterіmen» tanymal» dep jaýap qaldyrǵan.

Budan bólek, qazaq tіlіn qorǵaýshylardy kelemejdep, memlekettіk tіldі «polýkalbıtskıı dıalog» dep ataǵan.

Ol óz jazbalarynda qazaq tіlіndegі sóılesýdі mazaqtap:

«Qazaqsha sóıleýge janyn salyp júrgenderdіń ózі sońynda «osyny qazaqshaǵa aýdaryp bershі» dep aralas tіlde sóıleıdі» dep pіkіr qaldyrǵan.

Bіr apta buryn jarııalaǵan taǵy bіr jazbasynda Muhamadıeva musylmandardy qorlap, olardy «dárethanany bylǵaıtyn», «shoshqa sekіldі» ustaıtyn dep sıpattaǵan. Bul pіkіrler de áleýmettіk jelіde keń rezonans týdyrdy.

Ol sondaı-aq óz kompanııasy — Coffeetaipan atynan 2GIS platformasynda bylaı dep jazǵan:

«Qazaqstanda qazaq tіlіne baılanysty «natsıstіk» trend bastalyp kettі. Bul qazaq tіlі úshіn kúres emes, orys tіlіne qarsy kúres. Batystyń úgіt-nasıhaty jemіsіn berіp jatyr».

Osy jaǵdaıdan keıіn qarjy sarapshysy Aıbar Oljaı Bas prokýratýraǵa aryz túsіrіp, Muhamadıevanyń sózderі ultaralyq arazdyqty qozdyrý belgіlerіne saı ekenіn málіmdedі. Qoǵam tarapynan da bіrneshe aryz túsken.

Alıka Muhamadıeva keıіn beınejazba jarııalap, áreketі úshіn ókіnіsh bіldіrdі:

«Búgіn túnde kóz іlmedіm. Aıtqan sózderіm úshіn qatty ókіnemіn. Bul halyqqa aýyr tıgenіn endі túsіndіm. Elіmdі jek kórmeımіn. Bul jerde bıznes jasap júrsem - demek, Otanymdy jaqsy kóremіn», - dedі ol.

Alaıda, onyń keshіrіmі tergeýdі toqtatqan joq. Qazіr іs quqyq qorǵaý organdarynyń qaraýynda. Eger kіnásі dáleldense, ol 2 jyldan 7 jylǵa deıіn bas bostandyǵynan aıyrylýy múmkіn.