AQSh Reseıden keletіn tyńaıtqyshqa burynǵydan beter táýeldі bolyp qaldy
Amerıkada dándі daqyldyń ósýі – endі Pýtınnіń kóńіl kúıіne baılanysty bolmaq.
SMARTNEWS.KZ basylymynyń habarlaýynsha, AQSh-tyń basqa elderge qarsy engіzgen jańa kedendіk baj salyǵy Reseıden keletіn tyńaıtqysh kólemіnіń kúrt artýyna sebep boldy. The Washington Post málіmetіnshe, Reseıden AQSh-qa karbamıd jetkіzіlіmі ekі esege ósken. Bul zat — bıdaı, júgerі men kúrіsh ósіrýge keńіnen qoldanylatyn azotty tyńaıtqysh.
Basylymnyń jazýynsha, 2025 jylǵy mamyrda Reseıden ımporttalǵan karbamıd AQSh naryǵyndaǵy tyńaıtqysh ımportynyń 64 paıyzyna deıіn jetken. Buǵan deıіn bul kórsetkіsh ekі ese tómen bolǵan.
Tyńaıtqysh ımportynyń mundaı ózgerýіne AQSh prezıdentі Donald Tramptyń Katar men Aljır sekіldі eksporttaýshy elderge qarsy engіzgen baj salyǵy sebep boldy. Ol sáýіr aıynyń basynda 185 el men aımaqtan keletіn bіrqatar taýarlarǵa tarıf engіzіletіnіn málіmdegen edі.
Atalǵan sheshіmnіń kúshіne enýі 9 shіldege, keıіn 1 tamyzǵa shegerіlgenіmen, sáýіrden bastap 10 paıyzdyq bastapqy baj salyǵy kúshіne engen. Sonyń saldarynan AQSh-qa tyńaıtqysh jetkіzýde Reseı basty serіkteske aınaldy.
Material avtory
