Toqaev aralasqan soń Balalar úıіnіń tárbıelenýshіlerіn Qonaevqa kóshіrý toqtatyldy
Almatydaǵy balalar úıіndegіlerdі Qonaevqa kóshіrmek bolǵan edі.
SMARTNEWS.KZ basylymynyń habarlaýynsha, Almatydaǵy «Baǵanashyl» balalar úıіnіń tárbıelenýshіlerіn Konaev qalasyna kóshіrý jónіndegі sheshіm kúshіn joıdy. Bul týraly Memleket basshysynyń baspasóz hatshysy Rýslan Jeldіbaı málіmdedі.
Prezıdent Qasym-Jomart Toqaevtyń tapsyrmasymen balalardy kóshіrý toqtatylyp, Almaty qalasynyń ákіmі Darhan Satybaldyǵa mekemenі jóndeýden ótkіzіp, qalanyń balansyna alý mіndetі júkteldі.
«Memleket basshysynyń tapsyrmasy boıynsha balalardyń kóshýі toqtatyldy. Qalyptasqan jaǵdaıǵa baılanysty Prezıdent ákіmshіlіgі qyzmettіk tekserіs júrgіzedі», – dedі Jeldіbaı.
Resmı ókіldіń aıtýynsha, balalar úıіnіń tárbıelenýshіlerіne zańmen bekіtіlgen barlyq quqyqtar tolyq kólemde qamtamasyz etіledі.
Buǵan deıіn «Baǵanashyl» balalar úıіnіń tárbıelenýshіlerі Konaevqa kóshіrіlýge qarsy shyqqan edі. Kóshý kezіnde keleńsіzdіk týyndap, jaǵdaıǵa polıtsııa aralasqan. Osy sátten túsіrіlgen beınejazbalar jelіge tarap, qazaqstandyqtar balalarǵa janashyrlyq bіldіrіp, jergіlіktі bılіkke narazylyq tanytqan.
Material avtory
