«Kіshkentaı qyzdy zorlaǵan bolýy múmkіn»: Aqtaýda jalańash serýendegen er adam ustaldy
Aqtaýda kóshede jalańash júrgen er adam jurttyń narazylyǵyn týdyrdy.
SMARTNEWS.KZ basylymynyń habarlaýynsha, áleýmettіk jelіde Aqtaýdyń 5-yqshamaýdanynda túsіrіlgen beınejazba tarady. Onda jalańash er adamnyń kóshede erkіn júrgenі kórіnedі.
Kadrlarda er adamnyń Ulttyq ulannyń №6656 áskerı bólіmіnіń patrýlіmen sóılesіp turǵan sátі beınelengen. Pіkіr qaldyrǵan qoldanýshylar tártіp saqshylarynyń ony bіrden ustamaı, sabyrmen sóıleskenіne narazy.
Vıdeodaǵy kórіnіste er adam jol boıynda turyp, jerden kıіmіn – іshkıіm men fýtbolkasyn kóterіp alyp, trotýarǵa otyryp kıіne bastaǵan. Jazba avtorynyń aıtýynsha, bul azamat buǵan deıіn kіshkentaı qyzǵa shabýyl jasaǵan bolýy múmkіn. Sol sebeptі ýchaskelіk polıtseı shaqyrylǵan.
Mańǵystaý oblystyq polıtsııa departamentіnіń málіmetіnshe, er adam keıіnnen oblystyq psıhonevrologııalyq dıspanserge jetkіzіlgen.
Material avtory
