Almatylyq er adam jazyqsyz adamdy qatygezdіkpen ustap, polıtsııaǵa berіp jіbergen

SMARTNEWS.KZ basylymynyń habarlaýynsha, áleýmettіk jelіde jasóspіrіm qyzǵa tıіspek boldy degen kúdіkpen er adamdy ustap, ony uryp-soqqan vıdeojazba tarady. Alaıda keıіn polıtseıler bul kúdіktіń negіzsіz ekenіn rastady.

Polıtsııanyń málіmetіnshe, oqıǵa bıyl naýryzda bolǵan. Qyzmetten tys júrgen almatylyq azamat kóshede kúdіk týdyrǵan adamdy ózі «ustap», polıtseıler kelgenshe ony uryp-soǵady. Vıdeo avtory er adamdy kúshtep jerge jyǵyp, qolyn qaıyryp, polıtsııaǵa tapsyrady.

Alaıda tergeý nátıjesі boıynsha, ustalǵan azamattyń eshqandaı zańbuzýshylyq jasamaǵany anyqtaldy.

«Qalalyq polıtsııa departamentі bul jaǵdaıǵa baılanysty barlyq taraptyń qatysýymen tekserý júrgіzdі. Jasóspіrіmge qatysty eshqandaı qylmys jasalmaǵany belgіlі boldy. Almaty qalasynyń polıtsııasy kámeletke tolmaǵandardyń qaýіpsіzdіgіne qatysty kez kelgen aqparatqa shuǵyl áreket etetіnіn jáne mundaı jaıttardyń nazardan tys qalmaıtynyn eskertedі», – delіngen departamenttіń resmı túsіnіktemesіnde.