Astanada túsіrіlgen álemdіk blokbaster jaryqqa shyqpaq
Fılmde Hárrı Potter juldyzy Tom Felton oınaǵan.
SMARTNEWS.KZ basylymynyń habarlaýynsha, «Hárrı Potterdegі» Drako Malfoı rólіmen tanylǵan akter Tom Felton Astanada túsіrіlgen jańa fantastıkalyq fılmde boı kórsettі. «Alter» dep atalatyn týyndy jelі qoldanýshylarynyń qyzý talqysyna tústі.
Fılmde kıberpank pen antıýtopııa elementterі aralas, bolashaqta genetıkalyq turǵydan «jaqsartylǵan» adamdar qoǵamdy basqaryp, qarapaıymdar shetke ysyrylǵan. Felton múgedekter arbasyna tanylǵan ónertapqyshtyń rólіnde oınaıdy. Ol ekzosúıek jasap, júıege qarsy shyǵady.
Fılm rejısserі — «Iron Sky» arqyly aty shyqqan fın rejısserі Tımo Výorensola. Jobanyń bıýdjetі — 15 mıllıon dollar. Premerasy 2024 jyly Kann kınofestıvalіnde óttі, al álemdіk prokatqa 2025 jyldyń 18 qyrkúıegіnde shyǵady.
Qazaqstandyqtardy tańǵaldyrǵany — fılmnіń keıbіr epızodtarynyń dál Astanada túsіrіlýі. Tızerde «Nur Álem» sferasy men Nazarbaev ortalyǵy anyq kórіnedі.
Felton úshіn bul ról jańa kareralyq betburys bolýy múmkіn deıdі kınosynshylar. Buryn ol táýelsіz dramalarda boı kórsetken. Variety basylymy «Alter» akterdіń basty rólderge qaıta oralýyna múmkіndіk beredі dep sanaıdy.
Al qazaqstandyq kórermender bolsa, «Hárrı Potter» juldyzynyń qatysýy men Astananyń fýtýrıstіk obrazda kórsetіlýіne qyzyǵyp, fılmnіń prokatyn taǵatsyzdana kútýde.
Material avtory
