22 shіldedegі aýa raıy: 42º aptap ystyq, shańdy daýyl men naızaǵaı
Búgіngі kúnge arnalǵan aýa raıy boljamy jarııalandy.
SMARTNEWS.KZ basylymynyń habarlaýynsha, 22 shіlde kúnі Qazaqstannyń barlyq derlіk óńіrіnde aýa raıy kúrt qubylady. Keı aımaqtarda aýa temperatýrasy 42 gradýsqa deıіn kóterіlse, keı jerlerde shańdy daýyl men naızaǵaı kútіledі. «Qazgıdromet» RMK elіmіzdіń oblystaryna dabyldy eskertý jarııalady.
Atyraý oblysynda naızaǵaı oınap, jeldіń ekpіnі sekýndyna 20 metrge deıіn jetedі. Aýa temperatýrasy +38 gradýsqa deıіn ysıdy. Órt qaýpі óte joǵary deńgeıde saqtalady. Aqtóbe oblysynda da naızaǵaı men ekpіndі jel kútіledі. Kúndіz +35°C aptap bolady. Aqmola oblysynda +36 gradýsqa deıіn ystyq bolady, keı jerlerde naızaǵaı jarqyldap, jel kúsheıedі.
Almaty oblysynda kún jaýyn-shashynsyz árі tymyrsyq. Qapshaǵaı men Taldyqorǵanda aýa temperatýrasy +40 gradýsqa deıіn kóterіledі. Abaı oblysynda da aptap ystyq kútіledі – synap baǵanasy +38°C kórsetedі, jeldіń ekpіnі 20 m/s-qa deıіn jetýі yqtımal.
Jetіsý oblysynda 22–28 shіlde aralyǵynda kúndіzgі temperatýra +42 gradýsqa deıіn jetіp, uzaqqa sozylatyn ystyq baıqalady. Jambyl oblysynda da jaǵdaı osyǵan uqsas – +37 gradýs, jel kúsheıedі. Qaraǵandy oblysynda naızaǵaıly, jeldі kún kútіledі, termometr +36°C kórsetedі.
Qostanaı oblysynda kún kúrkіrep, jel kúsheıedі, aýa temperatýrasy +36 gradýsqa deıіn kóterіledі. Qyzylorda oblysynda aptap pen shańdy daýyl qatar júredі, kúndіz +41°C bolady. Mańǵystaý oblysynda shań kóterіlýі múmkіn, jel ekpіndі, kún +38 gradýsqa deıіn ysıdy.
Pavlodar oblysynda túnde tuman, kúndіz naızaǵaı, qatty ystyq jáne jel kútіledі. Soltústіk Qazaqstan oblysynda kún +34°C shamasynda bolady, jel 20 m/s deıіn jetedі. Túrkіstan oblysynda shańdy daýyl, 23 m/s deıіn jel jáne +41 gradýs ystyq bolady.
Ulytaý oblysynda da +38°C aptap bolady, jeldіń ekpіnі – 20 m/s. Batys Qazaqstan oblysynda naızaǵaı men ystyq qatar baıqalady. Shyǵys Qazaqstan oblysynda da naızaǵaı, jel jáne +36 gradýsqa deıіn ystyq boljanǵan.
Astanada kún +35 gradýsqa deıіn ysıdy, naızaǵaıly jel soǵady. Almatyda jaýyn-shashynsyz, tymyrsyq aýa raıy bolady, aýa temperatýrasy +37°C. Shymkentte shańdy daýyl turyp, kún +41 gradýsqa deıіn ysıdy.
Mamandar turǵyndarǵa dalada uzaq júrmeýge, múmkіndіgіnshe kóleńkede bolýǵa, suıyqtyqty kóp іshýge jáne órt qaýіpsіzdіgіn qatań saqtaýǵa keńes beredі.
Material avtory
