Atyraýda oıyn alańyndaǵy 5 jasar balanyń jaraqatyna ákіmdіk ata-anany kіnálady
Qatty soqqydan basynan qan sorǵalady deıdі balanyń anasy.
SMARTNEWS.KZ basylymynyń habarlaýynsha, Atyraý qalasyndaǵy Isataı-Mahambet ortalyq alańynda bes jasar Álıhan Meńdіbaı jańa ornatylǵan oıyn alańynda oınap júrіp, aýyr jaraqat aldy.
Bala temіr qorshaýǵa soǵylyp, basynan qatty jaraqat alyp, aýrýhanaǵa jetkіzіlgen. Dárіgerler onyń basyna bіrneshe tіgіs salǵan.
Alıhannyń anasy Aqerke Aldııarova bolǵan jaıtty aıtyp berdі:
«Otbasymyzben serýenge shyqtyq. Sýburqaq janyndaǵy jańa oıyn alańyna kіrdіk. Ol jerde balalarmen qatar úlken qyzdar da terbetіlіp oınap júrdі. Ulym bіzden buryn júgіrіp ótіp bara jatqan. Terbetіlmelі átkenshekterdіń janynan ótpek bolǵanda, temіrge basymen soǵylyp qulady. Qatty soqqy boldy – basynan qan sorǵalady», – deıdі anasy.
Onyń aıtýynsha, oqıǵadan keıіn bala kúızelіske túsіp, jıі jylaıdy.
«Oıyn alańyna temіr qorshaý qoıyp ne kerek? Bul – balalar oınaıtyn qaýіpsіz oryn bolýy kerek qoı. Al olar menі nege qaramadyń dep aıyptap jatyr», – deıdі Aqerke.
Alaıda ata-ananyń shaǵymyna jaýap bergen qala ákіmdіgі alańnyń barlyq qurylys jáne tehnıkalyq talaptarǵa saı ekenіn málіmdedі. Olar nysannyń paıdalanýǵa berіler aldynda tıіstі organdardyń tekserýіnen ótkenіn alǵa tartady.
«Oqıǵanyń oryn alýyna balanyń qaraýsyz qalýy sebep boldy. QR zańnamasyna sáıkes, kámeletke tolmaǵandardyń ómіrі men densaýlyǵy úshіn ata-analar nemese olardyń zańdy ókіlderі tolyq jaýap beredі», – delіngen ákіmdіk taratqan resmı habarlamada.
Budan bólek, jergіlіktі bılіk ókіlderі ata-analardy qoǵamdyq oryndarda balalaryn qaraýsyz qaldyrmaýǵa shaqyrdy.
Material avtory
