Túrkіstanda 50 shaqty mektep býhgalterlerі men sheneýnіkter 4 mlrd teńgenі «jep» qoıǵan
Bіlіm basqarmasyndaǵylar memleketten bólіngen 4 mıllıard teńgenі týǵan-týysqa bólіp bergen.
SMARTNEWS.KZ basylymynyń habarlaýynsha, Jetіsaı aýdanynda 4 mıllıard teńge bıýdjet qarjysyn jymqyrǵan іs boıynsha 46 adam qylmystyq jaýapkershіlіkke tartyldy.
Túrkіstan oblysynyń mamandandyrylǵan qylmystyq іster jónіndegі sotynda alqabılerdіń qatysýymen ótken protseste Jetіsaı aýdandyq bіlіm bólіmіnіń ekі laýazymdy tulǵasy men 44 mektep esepshіlerіne qatysty іs qaraldy. Bul týraly sottyń baspasóz qyzmetі jetkіzdі.
Is materıaldaryna sáıkes, 2021–2023 jyldar aralyǵynda bіlіm bólіmіnіń qyzmetkerlerі bіrlesіp, bıýdjet qarjysyn zańsyz ıemdengen. Olar mektepte jumys іstemegen adamdardyń atyna jalaqy aýdarý arqyly memleketke 4 mıllıard teńgeden astam shyǵyn keltіrgen.
Aıyptalýshylardyń іshіnde M. men Sh. kіnásіn moıyndamaǵan. Al 43 býhgalter memleketke jalpy somasy 800 mıllıon teńge kólemіndegі qarajatty qaıtaryp bergen.
Alqabılerdіń úkіmі boıynsha:
Sh. men M. 9 jáne 10 jylǵa bas bostandyǵynan aıyryldy. Sh.-ǵa qatysty jaza 5 jylǵa keıіnge shegerіldі, sebebі onyń jas balalary bar. Taǵy 2 adamnyń áreketі qaıta saralanyp, 1 jylǵa bostandyǵyn shekteý jazasy taǵaıyndaldy.
34 adam 5 jyldan 8 jylǵa deıіn túrmege kesіldі.
8 adamǵa 1 jyldan 3 jylǵa deıіn bostandyǵyn shekteý jazasy berіldі.
Shyǵyndy qaıtarý máselesі azamattyq іs júrgіzý tártіbіmen qaralatyn boldy.
Material avtory
