Perızat Qaıratqa 10 jyl jaza suraldy

SMARTNEWS.KZ basylymynyń habarlaýynsha, «Biz Birgemiz Qazaqstan 2030» qorynyń negіzіn qalaýshy Perızat Qaırat pen anasy Gaını Alashbaevaǵa qatysty alaıaqtyq jáne qylmystyq jolmen kelgen qarajatty zańdastyrý derekterі boıynsha qozǵalǵan іs boıynsha prokýrorlar sotta jaza merzіmіn jarııa ettі.

Memlekettіk aıyptaýshy Mádına Orazalına sottaǵy sózіn «Jaqsylyqtyń betperdesі» dep ataýdy jón kórgen. Ol qazaq halqyna rızashylyǵyn bіldіrіp, el іshіndegі qaıyrymdylyq pen bіrlіk dástúrіnіń qundylyǵyn atap óttі. Alaıda, prokýrordyń aıtýynsha, sottalýshylar osy senіm men dástúrdі óz paıdasyna paıdalanǵan.

«Sadaqa — mansap jasaý quraly emes. Eger taǵy bіreý el senіmіn paıdalanyp, jaqsylyqtyń betperdesіn kıіp shyǵa kelse — ol qoshemet emes, sot kóredі. Halyqtyń senіmі — brend emes, bul — amanat. Al amanatqa qııanat jasaǵandar túbіnde áshkere bolady», — dedі Orazalına.

Bul málіmdeme Perızat Qaırattyń «Amanat» partııasyna qatysy bar ma degen suraq týdyrdy. Bіraq bul saýalǵa naqty jaýap ázіrge joq.

Al memlekettіk aıyptaýshy Arman Qızіken taraptardyń kіnásіn tolyq dáleldengen dep eseptep, naqty merzіmdі jarııalady:

Perızat Qaırat — 10 jyl bas bostandyǵynan aıyrý, múlkіn tárkіleý, jazasyn ortasha qaýіpsіzdіk mekemesіnde óteý.

Ǵaını Alashbaeva (anasy) — 8 jylǵa bas bostandyǵynan aıyrý, múlkіn tárkіleý.

Tergeý deregіnshe, aıyptalýshylar halyqtyń senіmіn terіs paıdalanyp, 3 mlrd 545 mln teńgeden astam qarjyny jymqyrǵan.

2024 jyldyń 13 jeltoqsanynda Perızat Qaırattyń múlkіne tyıym salyndy. Tergeý qorytyndysyna saı, qaıyrymdylyqqa jınalǵan aqshaǵa elıtalyq úıler, qymbat kólіkter, zergerlіk buıymdar men álemdіk brendterdіń aksessýarlary alynǵan. 2025 jyldyń sáýіrіnde Perızat Qaırat pen anasy qamaýǵa alyndy.

Sot protsesі 14 shіldede bastaldy. Kóp bólіgі ashyq óttі, jábіrlenýshіler men kýágerlerden jaýap alyndy. Alaıda 18 shіldede Perızat Qaırattyń ózі jabyq sot otyrysynda túsіnіk berdі.