«Eń keremet jyl. Allaǵa shúkіr»: Perızat Qaırat іsіnde chemodan toly aqsha jaıly vıdeo sóz boldy

SMARTNEWS.KZ basylymynyń habarlaýynsha, Perızat Qaırat pen onyń anasy Ǵaını Alashbaevanyń іsі boıynsha ótіp jatqan sotta prokýror Arman Kezeken tárkіlengen qymbat buıymdardyń jalpy qunyn jarııa ettі.

Aıyptaý tarapynyń málіmetіnshe, sottalýshylardan alynǵan brendtіk sómkeler, aıaqkıіmder men áshekeı buıymdardyń sany – 140, al olardyń jalpy quny – 158 mıllıon 289 myń 365 teńge. Bul zattar qaıyrymdylyq kómek kórsetý syltaýymen jınalǵan qarajatqa satyp alynǵan.

Prokýror Ǵaını Alashbaevanyń pozıtsııasyna jeke toqtaldy. Ol sotta jaýap berýden bas tartqanymen, tergeý barysynda jáne іs materıaldary arqyly kózqarasy anyq kórіnіs tapqanyn atap óttі.

«Ol ózіn kіnásіz dep esepteıdі. Qyzy Perızat Qaırattyń áreketterіne esh qatysy joǵyn aıtty. Bіraq Qaırat Perızattyń telefonynan 20 myń teńgelіk kýpıýralarmen toltyrylǵan chemodan beınelengen vıdeo tabyldy. Beınejazbada: «Ne aıtýǵa bolady? Eń keremet jyl. Allaǵa shúkіr», — degen sózder aıtylady», — dedі prokýror Arman Kezeken.

Buǵan deıіn memlekettіk aıyptaýshy tarap Perızat Qaırat pen onyń anasyna qandaı jaza qoldanýdy suraǵanyn málіm etken bolatyn. Sonymen qatar, prokýrorlar Perızat Qaırattyń anasyna qatysty bultartpaý sharasyn ózgertýge usynys jasaǵan.

Aıta keteıіk, keshegі sot otyrysy jabyq rejımde óttі. Buǵan іstіń іshіnde bank qupııasyn qamtıtyn qujattar men qupııa derekterdіń qaralýy sebep bolǵan. Sottyń baspasóz qyzmetі málіmdegendeı, kúnnіń alǵashqy jartysynda zattaı aıǵaqtar zerttelіp, bіrqatar ótіnіshter qaraldy. Sondaı-aq, sotta Perızat Qaırattan jaýap alynǵan. Al anasy — Ǵaını Alashbaeva jaýap berýden bas tartty.