Gazadaǵy densaýlyq mınıstrіnіń hatshysyn Izraıl áskerі jaralap, urlap ketken
Izraıldіń bul áreketіn Gaza «soǵys qylmysy» dep atady.
SMARTNEWS.KZ basylymynyń habarlaýynsha, Gaza sektorynyń Densaýlyq saqtaý mınıstrlіgі resmı ókіlі, dárіger Marvan ál-Hamstyń Izraıl áskerі tarapynan jaralanyp, tutqyndalǵanyn habarlady.
Mınıstrlіk málіmdemesіne sáıkes, ál-Hams — «Abý IÝsýf an-Nadjar» aýrýhanasynyń jetekshіsі jáne aımaqtaǵy dalalyq gospıtalderdіń jumysyn úılestіrgen. Izraıl armııasynyń arnaıy jasaǵy ony ustaý kezіnde kúsh qoldanǵan, ol aıaǵynan jaraqat alǵan.
«Oqıǵa kýágerlerіnіń aıtýynsha, ızraıldіk kúshter ustaý kezіnde fızıkalyq kúsh qoldanǵan. Qazіr dárіger ál-Hams tutqynda», — delіngen mınıstrlіk málіmdemesіnde.
Gaza úkіmetі bul árekettі soǵys qylmysy dep baǵalap otyr. Olardyń deregіnshe, ál-Hams pen árіptesterі mіngen jedel járdem kólіgіne oq atylǵan. Oqıǵa saldarynan bіr adam qaza tapqan, taǵy ekeýі jaralanǵan.
Mınıstrlіk bul árekettі medıtsına qyzmetkerlerіnіń qaýіpsіzdіgіne, pіkіr erkіndіgіne jáne halyqaralyq gýmanıtarlyq quqyqqa qaıshy dep sanaıdy. Izraılden ál-Hamsty dereý bosatýdy talap ettі.
Material avtory
