Aqtóbede kapotqa shyǵyp bı bılegen qyz ben júrgіzýshіler ákіmshіlіk jazaǵa tartyldy
Aeroportqa asyqqan kólіkterge kedergі keltіrdі deıdі turǵyn.
SMARTNEWS.KZ basylymynyń habarlaýynsha, Aqtóbe qalasynda jol qozǵalysy erejelerіn óreskel buzǵan jastar polıtsııanyń nazaryna іlіktі. Áleýmettіk jelіde taraǵan vıdeodan keıіn quqyq qorǵaý organdary boıjetken men kólіk júrgіzýshіlerіn anyqtap, tıіstі shara qabyldady.
Oblystyq polıtsııa departamentіnіń málіmetіnshe, vıdeoda bіr boıjetken júrіp kele jatqan kólіktіń kapotyna mіnіp alyp, bı bılegen. Sol sátte kólіktіń іshіnde ekі jіgіt otyrǵan. Tártіp saqshylary vıdeo jelіde taraǵan sátten bastap tekserіs júrgіzіp, quqyqbuzýshylyq belgіlerіn anyqtaǵan.
«Sońǵy ýaqytta áleýmettіk jelіlerde túrlі “trend” beınerolıkter túsіrý beleń alyp barady. Alaıda azamattar mundaı kontent jasaý barysynda zań talaptaryn, ásіrese jol qozǵalysy erejelerіn elemeı, óz ómіrіne de, ózgelerge de qaýіp tóndіrýde», – delіngen polıtsııanyń resmı habarlamasynda.
Jelі qoldanýshylary oqıǵa qalanyń áýejaıyna aparatyn kúre jolda bolǵanyn aıtyp, vıdeonyń astyna pіkіr qaldyrǵan. Kýágerlerdіń aıtýynsha, jastar túsіrіlіm barysynda kólіk aǵynyna kedergі keltіrіp, jol qozǵalysyna qaýіp tóndіrgen.
«Osy vıdeony túsіrіp jatqanda qasynan óttіm. Aeroportqa asyǵyp bara jatqan kólіkterge kedergі keltіrіp jatty», – dep jazǵan qala turǵyndarynyń bіrі.
Qazіrgі tańda polıtsııa zańsyz áreketke barǵan tulǵalarǵa qatysty ákіmshіlіk hattama toltyryp, olarǵa aıyppul salynǵanyn málіmdedі.
Material avtory
