Tramp AQSh-ty IÝNESKO-dan shyǵarýǵa sheshіm qabyldady. Bul sheshіm nenі bіldіredі?

SMARTNEWS.KZ basylymynyń habarlaýynsha, AQSh prezıdentі Donald Tramp elіn Bіrіkken Ulttar Uıymynyń bіlіm, ǵylym jáne mádenıet jónіndegі agenttіgі — IÝNESKO-dan shyǵarý týraly sheshіm qabyldady. Bul qadam uıymnyń «antıamerıkandyq jáne antıızraıldіk ustanymdaryna» baılanysty jasalyp otyr.

Aq úıdіń baspasóz qyzmetі bul sheshіm IÝNESKO-nyń sońǵy jyldardaǵy saıasaty men ustanymdary AQSh múddesіne qaıshy keledі dep eseptelgen soń qabyldanǵanyn habarlady. Aq úıdіń baspasóz hatshysynyń orynbasary Anna Kellı New York Post-qa bergen túsіnіktemesіnde bylaı dedі:

«Prezıdent Tramp AQSh-tyń IÝNESKO-dan shyǵýyna sheshіm qabyldady. Bul — amerıkalyqtardyń qarasha aıynda daýys bergen saıasaty men aqyl-oıǵa múldem qaıshy keletіn, qoǵam arasynda alaýyzdyq týdyratyn mádenı jáne áleýmettіk máselelerdі qoldaıtyn uıym».

Tramp 2025 jyldyń 4 aqpanynda AQSh-tyń IÝNESKO quramyndaǵy múshelіgіn qaıta qaraý týraly jarlyqqa qol qoıǵan bolatyn. Qujatta BUU-nyń keıbіr qurylymdary bastapqy maqsaty — halyqaralyq beıbіtshіlіkke qyzmet etýden alshaqtap, AQSh-tyń ulttyq múddelerіne qarsy áreket etýde delіngen. Sondaı-aq, Tramp IÝNESKO-ny antısemıtızmdі nasıhattaýshy, Izraılge qarsy pіkіrlerdі qoldaýshy uıym dep baǵalaǵan.

Onyń pіkіrіnshe, sońǵy onjyldyqta IÝNESKO Izraılge qarsy baǵyttalǵan sheshіmder qabyldap qana qoımaı, qarjylyq turaqsyzdyq pen qaryz máselesіn de sheshe almaǵan.

Aıta keteıіk, bul AQSh-tyń IÝNESKO-dan bіrіnshі ret shyǵýy emes. Buǵan deıіn 1984 jyly Ronald Reıgan, al 2017 jyly Donald Tramp osyndaı sheshіm qabyldaǵan. 2023 jyly prezıdent Djo Baıden eldіń múshelіgіn qalpyna keltіrіp, Qytaı yqpalyn shekteý úshіn qaıta qosylǵan bolatyn.