Qaraǵandylyq kásіpker Alıka qazaqtardy «mambet», qazaq tіlіn «qalbıt» dep tіl tıgіzgenі úshіn 2 aıǵa qamaldy
Kúdіktіnіń elden ketýdі josparlap jatqany belgіlі boldy deıdі polıtsııa.
SMARTNEWS.KZ basylymynyń habarlaýynsha, Qaraǵandyda 22 jastaǵy kásіpker Alıka Muhamadıeva áleýmettіk jelіdegі arandatýshy pіkіrlerі úshіn ekі aıǵa qamaýǵa alyndy. Endі oǵan ultaralyq arazdyqty qozdyrdy degen aıyp taǵylyp otyr.
Polıtsııa málіmetіnshe, Alıka Threads áleýmettіk jelіsіnde qoǵamda daý týdyrǵan jazba jarııalaǵan. Bul jazbada ultaralyq arazdyq belgіlerі bolǵany anyqtalǵan. Paıdalanýshylar onyń sózіne narazylyq tanytyp, áleýmettіk jelіde qyzý pіkіrtalas týǵyzǵan. Keıbіreýler tіptі qoqan-loqy kórsetken.
Keıіnіrek Alıka jelіde keshіrіm surap, beınejazba jarııalady. Alaıda bul jetkіlіksіz dep tanyldy.
Qaraǵandy oblystyq Polıtsııa departamentі atalǵan fakt boıynsha Qylmystyq kodekstіń 174-baby 1-bólіgі boıynsha (ultaralyq arazdyqty qozdyrý) qylmystyq іs qozǵalǵanyn málіmdedі.
«Tergeý barysynda 22 jastaǵy qaraǵandylyq turǵyn Threads jelіsіnde ultaralyq arazdyq belgіlerі bar jazba jarııalaǵany anyqtaldy. Sonymen qatar, kúdіktіnіń elden tys jerge ketýdі josparlap jatqany belgіlі boldy. Osyǵan baılanysty tergeý organdary tarapynan bultartpaý sharasy retіnde qamaýǵa alý týraly ótіnіsh jasaldy», – dedі polıtsııa ókіlderі.
2025 jyldyń 22 shіldesіnde Qaraǵandy soty tergeý ótіnіshіn qanaǵattandyryp, Alıka Muhamadıevany ekі aı merzіmge qamaýǵa alý týraly sheshіm shyǵardy.
Qazіrgі tańda sotqa deıіngі tergeý jalǵasyp jatyr, tıіstі saraptamalar taǵaıyndalǵan. Tergeý qorytyndysy boıynsha protsessýaldyq sheshіm qabyldanatyn bolady.
Alıka Muhamadıeva — Qaraǵandyda Qytaıdan taýar jetkіzý qyzmetіmen aınalysatyn kásіpker. Sonymen qatar, onyń kıіm jáne aksessýarlar dúkenі bar.
Material avtory
