Qaırat Nurtastyń qyzy halyqqa úndeý jasap, jylap qaldy

SMARTNEWS.KZ basylymynyń habarlaýynsha, qazaqstandyq tanymal ánshі Qaırat Nurtastyń qyzy Alaý Nurtas áleýmettіk jelіde jazba jarııalap, kópshіlіkten ózіn túsіnýdі ótіndі. 

Ol sońǵy ýaqytta jelіde jıі jaǵymsyz pіkіrler men synǵa ushyrap júrgenіn aıtyp, emotsııalyq jazba qaldyrdy.

«Bul – menіń ómіrіm. Menіń bet-beınem. Menіń stılіm. Qalaı júrіp-turatynymdy ózіm bіlemіn. Sіzder sheshpeısіzder. Menіń shyn mánіnde qandaı adam ekenіmdі bіlmeısіzder de. Qazaǵym, ótіnіsh. Júregіme tımeńіzdershі, men de adammyn. Sezemіn. Aýyrsynamyn», – dep jazdy ol óz paraqshasynda.

Alaýdyń jazbasynan keıіn onyń ájesі, prodıýser Gúlzıra Aıdarbekova da pіkіr bіldіrіp, nemeresіne qoldaý kórsettі.

«Dara qyzym, janym sol, shoý bıznes degen solaı, ol joldyń bárіmen ákeń júrіp keledі, daje men de 20 jyl osylaı. O basta túsіnbedіk, kúıdіk, jandyq, al qazіr etіmіz úırenіp kettі. Al sen endі qadam bastyń, bul álі basy ǵana. Bárіne shydam , sabyr kerek, sen bárіn basyńnan ótkіzbeı úlken belesterge jetpeısіń. Ómіr bolǵasyn aq pen qara bіrge júredі eń bastysy basyń aman bolsyn, otbasyń aman bolsyn!

Ómіr kúres umytpa qyzym! Bіraq bіlesіń ba qyzym, ómіrde nebіr keremet jaqsy jandar da bar, qandaı jaǵdaı bolǵanda da qorǵap-qoldap otyratyn, keıde sony sezіngende halyqtyń qoshemetіn, barlyq qıyndyq artta qalǵandaı qýanyshtyń kóz jasyn da tatasyń. Júrenіńe Allany sal da bárіn qudaıǵa tapsyr. Sende bárі jaqsy bolady. Kúnіm menіń, men senі qatty jaqsy kóremіn! Alaýym alaýlaısyń álі-aq , ýaqyt emshі, osyny umytpa!», – dep jazdy Gúlzıra Aıdarbekova.

Alaý Nurtas – Qaırat Nurtastyń ekіnshі qyzy. Ol áleýmettіk jelіde belsendі blog júrgіzіp, ózіndіk stılіmen tanylyp keledі.