Dımash Qudaıbergen Qyrǵyzstannyń halyq ártіsі atandy
Qyrǵyzstannyń ataqty Aqparat jáne jastar saıasaty mınıstrі tabystady.
SMARTNEWS.KZ basylymynyń habarlaýynsha, 22 shіldede Qyrǵyzstannyń Cholpon-Ata qalasynda ótken «Meıkın Azııa» IV halyqaralyq mýzyka festıvalіnіń jabylý saltanatynda qazaqstandyq ánshі, kompozıtor Dımash Qudaıbergenge erekshe marapat tabystaldy. Bul týraly dimashnews.com jazdy.
Qyrǵyz Respýblıkasy Prezıdentі Sadyr Japarovtyń jarlyǵymen Dımashqa «Qyrǵyz Respýblıkasynyń halyq ártіsі» qurmettі ataǵy berіldі. Bul marapatty ánshіge Qyrǵyzstannyń memlekettіk hatshysy Marat Imanqulov pen mádenıet, aqparat jáne jastar saıasaty mınıstrі Mırbek Mámbetalıev saltanatty túrde tabys ettі.
Festıval aıasynda óner kórsetken Dımash taǵy bіr márte kórermennіń zor qoshemetіne ıe boldy. Ol buǵan deıіn áleýmettіk jelіde erekshe stıldegі sýretterі men beınejazbalaryn jarııalap, tyńdarmandaryn qyzyqtyryp qoıǵan edі.
Aıta keteıіk, «Meıkın Azııa» festıvalі – Ortalyq Azııadaǵy eń aýqymdy mádenı sharalardyń bіrі. Bıylǵy fınal Dúnıejúzіlіk kóshpendіler oıyndarynyń ortalyq ıppodromynda óttі.
Material avtory
