Tramp Ýkraınaǵa NATO-ǵa kіrýge tyıym salyp, Reseımen kelіssózge ıtermelegen

SMARTNEWS.KZ basylymynyń habarlaýynsha, AQSh prezıdentі Donald Tramp Ýkraınaǵa NATO quramyna kіrýge ruqsat bermeı, Kıevtі Máskeýmen kelіssózge barýǵa májbúrledі. Bul týraly The New York Times basylymy jazdy.

Gazettіń jazýynsha, 2025 jyldyń aqpanynda Aq úıdegі kezdesý kezіnde Tramp pen Ýkraına prezıdentі Vladımır Zelenskıı arasynda tartysty dıalog bolǵan. Sol sátte Tramp Zelenskııge AQSh tarapynan «aıtarlyqtaı qaýіpsіzdіk kepіldіgі» kútpeý kerektіgіn ashyq bіldіrgen.

NYT pіkіrіnshe, Tramptyń Máskeý men Kıev arasyndaǵy soǵysty toqtatýǵa bergen 50 kúndіk merzіmі onyń naqty sheshіmіnen górі, shydamynyń taýsylǵanyn kórsetedі. Bul ýaqyt aralyǵynda nátıjelі kelіsіmge kelý ekіtalaı.

Basylym sonymen qatar AQSh-tyń bolashaqtaǵy saıası baǵyty týraly da jazdy: Vashıngton ne Ýkraınaǵa áskerı jáne barlaý kómegіn jalǵastyrady, ne qaqtyǵystan múlde bas tartady.

Aıta keteıіk, Reseı men Ýkraına arasyndaǵy jańa kelіssóz 23 shіldede Túrkııada ótýі múmkіn. RIA Novostı agenttіgіnіń túrіk derekkózі kelіssózdіń Máskeý ýaqytymen saǵat 19:00-de bastalýy yqtımal ekenіn habarlady. Buǵan deıіngі kezdesýler 16 mamyr men 2 maýsymda Ystambulda ótken edі. Sol joly taraptar áskerı tutqyndar men sarbazdardyń máıіtterіn almastyrýǵa, sondaı-aq atysty toqtatý sharttary boıynsha memorandýmdarmen almasýǵa kelіsken bolatyn.