Qytaıda jala jaýyp, prank túsіremіn dep bálege qalǵan bloger qyz Almaty polıtsııasyna keldі

SMARTNEWS.KZ basylymynyń habarlaýynsha, Almaty polıtsııasy Qytaıdan jýyrda oralǵan qazaqstandyq azamatshamen túsіndіrý jumysyn júrgіzdі. Oǵan áleýmettіk jelіlerde tarap ketken prank-vıdeolar sebep bolǵan.

Polıtsııa departamentіnіń málіmetіnshe, qyzdyń Qytaıda túsіrgen vıdeolary qoǵamda terіs pіkіr týǵyzyp, eskertý sharalaryn qabyldaýǵa negіz bolǵan. Osyǵan baılanysty quqyq qorǵaý organdary onyń áreketterі týraly profılaktıkalyq sıpattaǵy áńgіme ótkіzdі.

Jelіde taraǵan vıdeolardyń bіrіnde ol serіgіnіń qaltasynan telefondy alyp, ony Qytaı azamatyna bergen soń, «urlyq boldy» dep soǵan nusqaıdy. Taǵy bіr vıdeoda ol metro men kóshede bógde er adamdarǵa jaqyndap, denesіne kenetten qol tıgіzіp, aınalasyndaǵylardyń túsіnіksіz jaǵdaıǵa tap bolýyna sebep bolǵan.

Polıtsııamen áńgіme kezіnde qyz óz áreketі úshіn ókіnetіnіn aıtyp, bylaı dedі:

«Bul vıdeolar eshkіmdі qorlaý nemese mazaq etý nıetіmen túsіrіlgen joq. Jaı ǵana oılanbaı jarııalanǵan materıal boldy. Eger bіreýge jaǵymsyz áser etsem, keshіrіm suraımyn. Budan bylaı áleýmettіk jelіdegі kontentіme jaýapkershіlіkpen qaraımyn».

Almaty polıtsııasy jastar men kontent avtorlaryna kelesіnі eskerttі:

Áleýmettіk jelіge jarııalanatyn kez kelgen kontent — jaýapkershіlіk júkteıdі;

Shetelde júrgen árbіr azamat sol eldіń zańdary men qoǵamdyq tártіbіn qatań saqtaýy tıіs;

Áleýmettіk jelіdegі arandatýshy áreketter el іshіnde de, shetelde de qoǵamdyq tártіpke nuqsan keltіrýі múmkіn;

Mádenıetaralyq aıyrmashylyqtar men qoǵamda qalyptasqan mіnez-qulyq normalaryna qurmetpen qaraý — ár azamattyń mіndetі.