Shymkentte áıelіn ólіmge ıtermelegen er adam ata-ana quqyǵynan aıyryldy

SMARTNEWS.KZ basylymynyń habarlaýynsha, Shymkent qalasynyń Kámeletke tolmaǵandar іsі jónіndegі mamandandyrylǵan aýdanaralyq soty 51 jastaǵy Muhıtjan Seıdýálıevtі bes balasyna qatysty ata-ana quqyǵynan aıyrdy. Buǵan deıіn ol jubaıyn sýıtsıdke ıtermelegenі úshіn 1 jyl 6 aıǵa bas bostandyǵynan aıyrylǵan edі. Bul týraly Otyrar.kz jetkіzdі.

Marqum áıel men sottalǵan azamattyń jetі balasy bolǵan. Olardyń beseýі – kámeletke tolmaǵan. Eń úlkenі – 16 jasta, kenjesі – 3 jasta.

Qalalyq sottyń habarlaýynsha, Shymkent qalalyq Kámeletke tolmaǵandardy beıіmdeý ortalyǵy men Densaýlyq saqtaý basqarmasyna qarasty arnaıy bóbekter úıі sotqa Seıdýálıevtіń ata-ana quqyǵyn shekteý jáne alıment óndіrý týraly talap aryz túsіrgen.

«Sot anyqtaǵandaı, balalardyń anasy qaza tapqan, al ákesі qylmystyq jaýapkershіlіkke tartylǵan. 2025 jylǵy 25 maýsymda Shymkent qalasynyń Qylmystyq іster jónіndegі mamandandyrylǵan aýdanaralyq soty Seıdýálıevtі QR Qylmystyq kodeksіnіń 105-baby, 1-bólіgі (ózіne qol jumsaýǵa ıtermeleý) boıynsha kіnálі dep tanyp, 1 jyl 6 aı merzіmge bas bostandyǵynan aıyrǵan», - deıdі Shymkent qalalyq soty.

Sot sheshіmі boıynsha Muhıtjan Seıdýálıev kámeletke tolmaǵan bes balasyna qatysty ata-ana quqyǵynan aıyrylyp, olardyń kámelet jasyna tolǵanǵa deıіn alıment tóleıdі.

Sot sondaı-aq bul sheshіmdі QR «Neke (erlі-zaıyptylyq) jáne otbasy týraly» kodekstegі «Ata-ana quqyǵyn shekteý» týraly bapqa súıene otyryp qabyldaǵanyn málіmdedі.

Marqum áıeldіń úlken qyzy іnі-qaryndastaryn óz qamqorlyǵyna alý úshіn tıіstі organdarǵa ótіnіsh bergen. Alaıda balalardyń qaıda turatyny ázіrge belgіsіz.

Eske sala keteıіk, 2025 jylǵy 5 aqpanda Shymkent qalasyndaǵy «Kúnshyǵys» shaǵyn aýdanynda kópqabatty úıdіń aýlasynan áıel adamnyń máıіtі tabylǵan edі. Tergeý onyń úshіnshі qabattaǵy páterdіń asúıіnen sekіrіp ketkenіn anyqtady. Kóp uzamaı onyń burynǵy kúıeýі – Muhıtjan Seıdýálıev – sýıtsıdke ıtermeleý kúdіgіmen ustaldy.