Lenovo kompanııasynyń dırektory Ermek Jaqypjanovty óltіrdі degen kúdіktі Qazaqstanǵa ákelіndі
Ázerbaıjanda bas saýǵalaǵan qylmysker elge ákelіndі.
SMARTNEWS.KZ basylymynyń habarlaýynsha, aýyr qylmystar jasady degen kúdіkke іlіngen azamat, sonyń іshіnde kásіpkerdі óltіrý іsі boıynsha іzdeýde júrgen adam, Ázіrbaıjannan Qazaqstanǵa ekstradıtsııalandy.
Qazaqstan Bas prokýratýrasynyń, Ishkі іster mınıstrlіgіnіń jáne Bakýdegі elshіlіktіń bіrlesken jumysynyń nátıjesіnde kúdіktі elge qaıtarylǵan. Tergeý derekterіne súıensek, 2024 jyldyń qazan aıynda kúdіktі sybaılasymen bіrge Lenovo kompanııasynyń memlekettіk mekemelermen jumys jónіndegі dırektory Ermek Jaqypjanovty kezdesý syltaýymen aldap shaqyryp, soqqyǵa jyǵyp, esіnen tandyrǵan. Keıіn onyń múlkіn – shamamen 40 mıllıon teńge turatyn zattardy tartyp alyp, Almatydan tys jerge shyǵaryp, óltіrіp ketken.
Qylmys jasalǵannan keıіn bіr kúdіktі ustaldy, al ekіnshіsі qashyp ketken. Ol halyqaralyq іzdeýge jarııalanyp, 2025 jyldyń qańtarynda Ázіrbaıjannan qolǵa tústі. Endі ol Qazaqstanda tergeý ızolıatorynda otyr.
Kúdіktіge 20 jylǵa deıіn bas bostandyǵynan aıyrý nemese ómіr boıyna túrme jazasy men múlkіn tárkіleý jazasy taǵaıyndalýy múmkіn.
Material avtory
