15 jyl buryn ǵana salynǵan Mańǵystaýdaǵy aýyl mektebіnіń shatyry opyrylyp tústі (VIDEO)
Jaǵdaıǵa baılanysty arnaıy komıssııa qurylǵan.
SMARTNEWS.KZ basylymynyń habarlaýynsha, búgіn tańǵy 6:30 shamasynda Mańǵystaý oblysy Qaraqııa aýdanyna qarasty Quryq aýylyndaǵy mektep-gımnazııanyń akt zalynyń shatyry opyrylyp tústі.
Jelіde taraǵan vıdeodan shatyrdyń іrі bólіgі kúrkіrep іshke qaraı qulaǵany baıqalady. Abyroı bolǵanda, oqıǵa kezіnde zalda eshkіm bolmaǵan.
Aýdan ákіmdіgіnіń málіmetіnshe, tótenshe jaǵdaı saldarynan zardap shekkender joq. Qulaǵan aýmaqtyń kólemі shamamen 250 sharshy metrdі quraıdy.
«Quryq aýylyndaǵy mektep-gımnazııa 2009 jyldyń qyrkúıegіnde paıdalanýǵa berіlgen. Mektep 1200 oqýshyǵa arnalǵan», – delіngen Qaraqııa aýdany ákіmdіgіnіń habarlamasynda.
Qazіrgі ýaqytta oqıǵa ornyna arnaıy mamandar jіberіlіp, tekserý jumystary júrgіzіlіp jatyr. Sonymen qatar, jaǵdaıdy jan-jaqty zerdeleý úshіn arnaıy komıssııa quryldy.
Qalpyna keltіrý jumystary men tolyq saraptama nátıjelerі týraly aqparat keıіnіrek habarlanatyn bolady.
Material avtory
