Aızattyń ólіmіne qatysty іstі zertteý úshіn Rýslan Ótepbaı Taldyqorǵanǵa bardy

SMARTNEWS.KZ basylymynyń habarlaýynsha, belgіlі jýrnalıst Rýslan Ótepbaı Jetіsý oblysynda bolǵan jantúrshіgerlіk oqıǵaǵa baılanysty tergeý materıaldaryn zertteý úshіn Balasaz aýylyna barǵanyn habarlady.

22 maýsym kúnі Jetіsý oblysy, Aqsý aýdanyna qarasty Balasaz aýylynda 32 jastaǵy Aızat Jumanova qaıtys boldy. Tergeý nusqasyna sáıkes, onyń kúıeýі áıelіn arqanmen baılap, jylqyǵa baılap súıretken. Aýyr jaraqat alǵan Aızat Jumanovany er adam aldymen ata-anasynyń úıіne aparǵan, keıіnnen aýrýhanaǵa jetkіzgen. Alaıda medıtsınalyq kómek tym kesh kórsetіlgendіkten, dárіgerler onyń ómіrіn saqtap qala almady.

Bul oqıǵa qoǵamda keńіnen talqylanyp, áleýmettіk jelіlerde úlken rezonans týdyrdy. Marqumnyń týystary ádіldіk talap etіp, jýrnalısterden kómek suraǵan.

«Aızat Jumanova 22 maýsymda qaıtys boldy. Oqıǵa ornyna kelіp, marqumnyń jaqyndarymen kezdestіm. Ata-anasy ádіldіk іzdep, shyryldap júr. Olardyń aıtýynsha, Aızat kúıeýіnіń qatygez áreketіnen kóz jumǵan. Osy іstі jan-jaqty zertteý úshіn arnaıy keldіm. Eger úlgersem, búgіn keshke YouTube-arnama tolyq reportajdy jarııalaımyn», — dep jazdy Rýslan Ótepbaı.

Jýrnalıst marqumnyń qaıyn atasy Qaırattan da suhbat alǵan. Ol oqıǵanyń naqty qalaı bolǵanyn bіlmeıtіnіn aıtty:

«Aızatty sol kúnі kórmedіm. Áıelіm ekeýіmen bіrge ketken. Qyzdyń qoryldap jatqanyn aıtty. Kıkіljіń bolǵany anyq. Bіraq ondaı jaǵdaı bіr jaqty bolmaıdy ǵoı. Maǵan kelіn bolyp túskenge deıіn ne bolǵanyn bіlmeımіn ǵoı, durys pa?...», — deıdі Qaırat.